కలబందతో మాస్క్ ను వేసుకోవడం వల్ల మనం మొటిమల సమస్య నుండి చాలా సులభంగా బయటపడవచ్చు. ఇందు కోసం 2 టీ స్పూన్ల కలబంద గుజ్జులో, 2 టీ స్పూన్ల పంచదార ఇంకా ఒక టీ స్పూన్ పాలు పోసి బాగా కలపాలి. ఈ మిశ్రమాన్ని మన ముఖానికి మాస్క్ లాగా వేసుకోవాలి. అది ఆరిన తరువాత శుభ్రం చేసుకోవాలి. ఇలా తరుచూ చేయడం వల్ల మొటిమల సమస్య నుండి చాలా ఈజీగా బయటపడవచ్చు.ఇంకా అలాగే 2 టీ స్పూన్ల కలబంద గుజ్జులో 2 టీ స్పూన్ల టమాట గుజ్జు వేసి కలపాలి. ఆ తరువాత ఈ మిశ్రమాన్ని ముఖానికి రాసుకుని ఆరిన తరువాత కడిగివేయాలి.ఇలా చేయడం వల్ల ముఖంపై పేరుకుపోయిన ట్యాన్, నలుపుదనం అంతా తొలిగిపోతుంది. ముఖంపై ఉండే ముడతలు తొలగిపోవాలనుకునే వారు ఒక గిన్నెలో ఒక టీ స్పూన్ కలబంద గుజ్జు, ఒక టీ స్పూన్ రోజ్ వాటర్ ఇంకా అర టీ స్పూన్ బాదంనూనె వేసి ఫేస్ ప్యాక్ గా వేసుకోవాలి. ఇక ఇలా చేయడం వల్ల చర్మం ముడతలు పడకుండా ఉంటుంది. ఇంకా అలాగే 4 టీ స్పూన్స్ కలబంద గుజ్జులో 2 టీ స్పూన్ల కొబ్బరి నూనె కలిపి రాసుకోవాలి. ఇలా చేయడం వల్ల చర్మం పొడిబారకుండా చాలా మృదువుగా ఉంటుంది.


ఈ విధంగా కలబందను వాడడం వల్ల చక్కటి ఆరోగ్యమైన అందమైన చర్మాన్ని మీరు పొందవచ్చు. అలాగే జుట్టు ఆరోగ్యానికి కలబందను ఎలా వాడాలో తెలుసుకుందాం.కలబందతో నూనెను తయారు చేసి వాడడం వల్ల జుట్టు ఒత్తుగా ఇంకా పొడవుగా పెరుగుతుంది.ఇందు కోసం 2 టీ స్పూన్ల కలబంద గుజ్జులో 2 టీస్పూన్ల కొబ్బరి నూనె వేసి బాగాకలపాలి.ఆ తరువాత ఈ నూనెను జుట్టు కుదళ్లలోకి ఇంకేలా బాగా పట్టించాలి. తరువాత దీనిని ఒకటి లేదా రెండు గంటలపాటు అలాగే ఉంచి ఆ తరువాత తలస్నానం చేయాలి. ఇలా చేయడం వల్ల జుట్టు సమస్యలు ఈజీగా తగ్గి జుట్టు ఒత్తుగా పెరుగుతుంది. ఇక ఒక గిన్నెలో 3 టీ స్పూన్ల కలబంద గుజ్జు, 3 చుక్కల రోజ్ మేరీ ఆయిల్ ఇంకా 2 టీ స్పూన్ల నీళ్లు కలిపి జుట్టుకు రాసుకోవాలి. ఇది మంచి హెయిర్ సీరంలా పని చేస్తుంది.ఇక జుట్టు చిట్లడం వంటి సమస్యలతో బాధపడే వారు 3 టీ స్పూన్ల కలబంద గుజ్జులో ఒక టేబుల్ స్పూన్ నిమ్మరసం వేసి బాగా కలపాలి. దీనిని జుట్టు చివర్లకు రాసి ఒక అరగంటపాటు అలాగే ఉంచి తరువాత శుభ్రం చేసుకోవాలి.వారానికి 3 నుండి 4 సార్లు ఇలా చేయడం వల్ల ఖచ్చితంగా మంచి ఫలితం ఉంటుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Beauty Tips

Purushottham Vinay

25/09/2023 02:16 PM