ముందస్తు కి సిద్ధమేనా..?
175 స్థానాల్లో గెలుస్తామనే ధీమా వైసీపీ నేతల్లో ఉంటే.. మేనిఫెస్టోలో 95 శాతం హామీలు అమలు చేశామనే ధైర్యం ఉంటే.. వెంటనే ఎన్నికలు పెట్టాలని డిమాండ్ చేశారు నాదెండ్ల మనోహర్. ఇప్పటికిప్పుడు ఎన్నికలు పెడితే, ప్రజలు ఎలా ఆలోచిస్తున్నారో వైసీపీకి తెలిసొస్తుందని చెప్పారు. వైసీపీ ప్లీనరీ ద్వారా ప్రభుత్వం అధికార దుర్వినియోగానికి పాల్పడిందని ఆయన తీవ్ర విమర్శలు చేశారు. ప్లీనరీలో వైసీపీ నేతలు మాట్లాడిన భాష కనీస మర్యాదగా కూడా లేదని అన్నారు. అన్ని విషయాల్ని ప్రజలు గమనిస్తున్నారని, ఆ విషయం వైసీపీ నేతలు గుర్తుపెట్టుకోవాలన్నారు.
ఇటీవల వైసీపీ చేపట్టిన గడప గడపకు కార్యక్రమం అట్టర్ ఫ్లాప్ అయిందని, అందుకే జగన్ ఫ్రస్టేషన్లో ఉన్నారని, ప్లీనరీలో అలా మాట్లాడారని చెప్పారు నాదెండ్ల. గడప గడపకు వెళ్తున్న ఎమ్మెల్యేలను జనం నిలదీస్తున్నారని అందుకే వారికి ఏం చేయాలో తోచడం లేదని చెప్పారు. లక్షా 27వేల కోట్ల రూపాయలతో ఏపీలో రైతాంగాన్ని ఆదుకున్నామని జగన్ చెబుతున్నారని, మరి ఏపీలో ఇంకా రైతుల ఆత్మహత్యలు ఎందుకు జరుగుతున్నాయని ప్రశ్నించాలు నాదెండ్ల. పులివెందులలో కూడా రైతులు ఆత్మహత్యలు చేసుకున్నారని, అందుకే సొంత ప్రాంతంలో పర్యటించినా కూడా జగన్ పరదాలు అడ్డుపెట్టుకున్నారని, బ్యారికేడ్లు పెట్టుకుని జనం తన వద్దకు రాకుండా చేసుకున్నారని ఎద్దేవా చేశారు. జగన్ ప్రజల్లోకి రావడానికి భయపడుతున్నారని, ఇల్లు కదలకుండా పాలన చేస్తున్నారని మండిపడ్డారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి