ఒక విషయం తెలుసా...!! సంతోషాన్ని నింపి మనలో ఉత్సాహాన్ని పెంచే మధురమైన జ్ఞాపకాలు మనల్ని విజయం వైపు నడిపిస్తాయి. అదే విధంగా దుఃఖంతో గుండెను తడిపి బాధ పెట్టే చేదు జ్ఞాపకాలు మనల్ని నిస్సహాయులుగా చేసి లక్ష్యానికి దూరం చేస్తాయి. ఇవి రెండూ మన దగ్గరే ఉంటాయి, అలాగే వేటిని ఎంచుకోవాలి అన్న నిర్ణయం కూడా మన చేతిలోనే ఉంటుంది. అలాంటప్పుడు చేదు అనుభవాలతో కలత చెందడం కన్నా తీపి జ్ఞాపకాల స్మృతులతో భవిష్యత్తు వైపుకు ఆనందంగా సాగడం మిన్న. ఏది ఏమైనా ఏది ఎంచుకోవాలో మీ చేతిలో ఉన్న అంశమే అన్న విషయాన్ని గుర్తు పెట్టుకోండి. మన లైఫ్ ఎలా ఉండాలో మనమే డిసైడ్ చేసుకోవాలి.
అలాగే కర్మ ను బట్టి అన్నిటినీ స్వీకరించగలగాలి అదే విధంగా మంచి మార్గాన్ని ఎంచుకుని లక్ష్యాన్ని చేరుకోవడం విజయం అవుతుంది. కాబట్టి మీకు మంచిని మరియు విజయాన్ని కలిగించే ఆలోచనలను, మధురానుభూతులను, స్మృతులను మాత్రమే మీతో ఉండనివ్వండి. మిగిలిన చెత్త ఆలోచనలు, గతంలో జరిగిపోయిన చేదు వార్తలు అన్నింటినీ వదిలేసి ముందుకు సాగాలి. అప్పుడే నిజమైన జీవితాన్ని మీరు అనుభవించగలుగుతారు.
