ఒక వ్యక్తి ఎంత తెలివిగల వాడు అయినప్పటికీ అతడు ధనవంతుడు గా ఎదగాలి అంటే ఖచ్చితమైన ఈ లక్షణాలు కలిగి ఉండాలి. ఆ లక్షణాలలో ముందుగా పేర్కొన దగ్గది చెదరని ధైర్యం. ఆత్మ విశ్వాసం ధైర్యం లోపించిన వ్యక్తి ఎన్ని ప్రయత్నాలు చేసినా ధనవంతుడు కాలేడు. అదేవిధంగా ధన సంపాదనకు సంబంధించి అవసరమైన లక్షణాలలో స్వీయ నియంత్రణ కూడ చాల కీలకంగా పేర్కొంటూ ఉంటారు.
స్వీయ నియంత్రణ సామర్ధ్యం కలిగిన వ్యక్తికి ఉన్న నాయకత్వ లక్షణాలు చూసి అతడు ప్రయత్నించ కుండానే అతడి వద్దకు అనుచరులు వచ్చి చేరతారు. అదేవిధంగా వ్యాపారానికి సంబంధించిన ప్రణాళికలలో నిర్ణయాలలో ఖచ్చితత్వం ఉన్న వ్యక్తి మాత్రమే వ్యాపారంలో రాణించగాలుగుతారు. దీనికితోడు పొందిన ప్రతిఫలం కన్నా ఎక్కువ సేవలను అందించే లక్షణాలు కలిగి ఉన్న వ్యక్తులు మాత్రమే వ్యాపారాలలో రాణించగలుగుతారు అని అనేక అధ్యయనాలు చెపుతున్నాయి.
దీనికితోడు ఉల్లాసకరమైన వ్యక్తిత్వం ఇతరుల పట్ల సానుభూతి ఇతరుల సమస్యల పట్ల అవగాహన కలిగిన వ్యక్తిత్వం ఉన్న వ్యక్తులకు వారు ఎక్కువ ప్రయత్నించకుండానే వారు ఎంచుకున్న రంగంలో విజయం లభిస్తుందని మనీ ఎక్స్ పర్ట్స్ చెపుతున్నారు. ఒక వ్యక్తి తాను ఎంచుకున్న వ్యాపారానికి సంబంధించిన అన్ని విషయాలలోనూ సవివరణమైన అవగాహన ఉన్నప్పుడు మాత్రమే ఆ బిజినెస్ సక్సస్ అవుతుంది అని అనేకమంది ఆర్ధిక నిపుణులు చెపుతున్నారు.
అంతేకాదు తాను తీసుకున్న ప్రతి నిర్ణయానికి పూర్తి బాధ్యత వహించగలిగిన నాయకత్వ లక్షణాలు ఉన్న వారు మాత్రమే తాను ఎంచుకున్న వ్యాపారాలలో రాణించగలుగుతారు. ఇక చివరిగా ఒక వ్యాపారం అభివృద్ధి విజయానికి కావలసిన ప్రధాన లక్షణాలలో సహకారం కీలకంగా భావిస్తారు. పరస్పర సహకారం లేకుండా ఎన్ని తెలివితేటలు ఉన్నప్పటికీ ఆ వ్యక్తి తాను ఎంచుకున్న వ్యాపారంలో రాణించ లేడు. ముఖ్యంగా ప్రస్తుత కాలానికి సంబంధించిన వ్యాపారాలు అన్నీ మరొకరి సహాయ సహకారాల పైనే ఆధారపడి ఉన్నాయి అన్నది వాస్తవం. ఇలా ఈవిషయాలు అన్నింటిలోను శ్రద్ధ పెట్టి నైపుణ్యం సాధించ గలిగిన వ్యక్తి మాత్రమే సంపదను పొందగలడు..
