డైలాగ్ కింగ్ మోహన్ బాబు తనయుడు మంచు మనోజ్ పరిస్థితి అయోమయంగా తయారయింది. కొన్ని రోజులుగా సినీ ఇండస్ట్రీలో సందడి చేయలేకపోతున్నాడు. ఆరేళ్లుగా సరైన సక్సెస్ లేక ఢీలా పడిపోయాడు. 'శౌర్య, ఎటాక్, గుంటూరోడు' ఫ్లాపులతో మనోజ్ మార్కెట్‌ మొత్తం డౌన్ అయిపోయింది.
అక్కినేని వారసుడు అఖిల్‌పై ప్రేక్షకులు చాలా ఆశలే పెట్టుకున్నారు. కానీ ఇప్పటి వరకు సక్సెస్ రుచి చూడలేదు ఈ హీరో. 'మనం'లో ప్రత్యేకంగా కనిపించిన తర్వాత అఖిల్ విషయంలో ఏమేమో ఊహించుకున్నారు. అయితే ఈ కుర్ర హీరో మాత్రం అక్కినేని అభిమానుల మనసు గెలుచుకోలేకపోయాడు. ఈ విపత్కర పరిస్థితి నుంచి బయటపడేందుకు 'మోస్ట్‌ ఎలిజిబుల్ బ్యాచిలర్'గా మారాడు అఖిల్. అలాగే సురేందర్‌ రెడ్డి దర్శకత్వంలో 'ఏజెంట్' అనే సినిమా చేస్తున్నాడు. మరి ఈ సినిమాలైనా అఖిల్ ను సక్సెస్ లో నడిపిస్తాయేమో చూడాలి.
రౌడీ హీరో విజయ్ దేవరకొండకి యూత్ లో మంచి పేరు తీసుకొచ్చిన సినిమా 'అర్జున్‌రెడ్డి. ఈ హిట్ తో కోలీవుడ్, మాలీవుడ్ లలో కూడా క్రేజ్ సంపాదించుకున్నాడు. ఈ రేంజ్‌కి వెళ్లిన విజయ్‌ని 'డియర్ కామ్రేడ్, వరల్డ్ ఫేమస్ లవర్' ఫ్లాపుల్లో ముంచాయి. దీంతో పూరీ జగన్నాథ్‌ దర్శకత్వంలో 'లైగర్' సినిమాపైనే ఎన్నో ఆశలు పెట్టుకున్నాడు విజయ్ దేవరకొండ. చూద్దాం.. ఈ హీరోలను ఎప్పుడు సక్సెస్ వరిస్తుందో..
