రాగులను ఆహారంగా తీసుకోవడం వల్ల మనం చాలా ఆరోగ్య ప్రయోజనాలను పొందవచ్చు. రాగులను పిండిగా చేసి రొట్టె ఇంకా సంగటి వంటి వాటిని తయారు చేస్తూ ఉంటాం. ఇంకా అలాగే రాగులతో మనం రాగి మాల్ట్ ను కూడా తయారు చేస్తూ ఉంటాం. రాగి మాల్ట్ ను తాగడం వల్ల మనం సంపూర్ణ ఆరోగ్యాన్ని సొంతం చేసుకోవచ్చు.ఇంకా అలాగే దీనిని తాగడం వల్ల శరీరానికి కూడా చలువ చేస్తుంది. అలాగే వేసవికాలంలో దీనిని తాగడం వల్ల చాలా రకాల ప్రయోజనాలను పొందవచ్చు. రాగి మాల్ట్ ను తయారు చేసుకోవడానికి కావల్సిన పిండిని అలాగే ఆ పిండితో రాగి మాల్ట్ ను ఎలా తయారు చేసుకోవాలి..వంటి పూర్తి వివరాలను ఇప్పుడు మనం తెలుసుకుందాం.ముందుగా రాగులను తీసుకొని వాటిని బాగా శుభ్రంగా కడగాలి.ఆ తరువాత వాటిలో నీళ్లు పోసి 8 నుండి 10 గంటల పాటు నానబెట్టుకోవాలి.ఇక ఆ తరువాత వీటిని ఒక వస్త్రంలోకి తీసుకుని మూట కట్టాలి. తరువాత ఈ మూటను గాలి తగలకుండా జాగ్రత్తగా ఉంచాలి. ఇలా ఒక రోజంతా అలా ఉంచాలి. మరుసటి రోజు రాగులు చక్కగా మొలకెత్తుతాయి. తరువాత ఈ మొలకెత్తిన ఈ రాగులను ఎండలో ఎండబెట్టాలి. ఇక ఇవి పూర్తిగా ఎండిన తరువాత కళాయిలో వేసి వేయించి డబ్బాలోకి తీసుకోవాలి. ఆ తరువాత అదే కళాయిలో బాదంపప్పు ఇంకా బార్లీ గింజలు కూడా వేసి దోరగా వేయించాలి. తరువాత వీటిని కూడా రాగుల్లో వేసి మర పట్టించాలి.


ఇలా చేయడం వల్ల రాగి మాల్ట్ కు కావల్సిన పిండి ఈజీగా తయారవుతుంది. ఇది ఆరు నెలల పాటు ఫ్రెష్ గా ఉంటుంది.ఇక ఇప్పుడు ఈ పిండితో రాగి మాల్ట్ ను ఎలా తయారు చేసుకోవాలో ఇప్పుడు తెలుసుకుందాం. ఇందుకోసం ముందుగా ఒక గిన్నెలో రెండు టీ స్పూన్ల రాగి మాల్ట్ పిండిని తీసుకోవాలి.ఆ తరువాత ఇందులో తగినన్ని నీళ్లు పోసి ఉండలు లేకుండా బాగా కలుపుకోవాలి. ఆ తరువాత ఒక గిన్నెలో పాలు పోసి వేడి చేయాలి. పాలు ఒక పొంగు వచ్చిన తరువాత ముందుగా తయారు చేసుకున్న పిండిని వేసి బాగా కలపాలి. దీనిని 3 నుండి 4 నిమిషాల పాటు కలుపుతూ ఉడికించి స్టవ్ ని ఆఫ్ చేసుకోవాలి. ఇక పాలు కొద్దిగా చల్లారిన తరువాత బెల్లం తురుము వేసి బాగా కలపాలి. ఆ తరువాత దీనిని గ్లాస్ లో పోసుకుని సర్వ్ చేసుకోవాలి. ఇలా చేయడం వల్ల రాగి మాల్ట్ ఈజీగా తయారవుతుంది. దీనిని తాగడం వల్ల వేసవి కాలంలో ఎండు నుండి ఈజీగా ఉపశమనం లభించడంతో పాటు మన ఆరోగ్యానికి కూడా చాలా మేలు కలుగుతుంది. జీర్ణశక్తి కూడా మెరుగుపడుతుంది. ఎముకలు చాలా ధృడంగా తయారవుతాయి.ఇంకా పోషకాహార లోపం తలెత్తకుండా ఉంటుంది. నీరసం ఇంకా బలహీనత వంటి సమస్యలు మన దరి చేరకుండా ఉంటాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

health

Purushottham Vinay

19/05/2023 01:32 PM