ముఖ్యంగా టమోటా రకం మిర్చికి ఈ ధర లభ్యమైంది అని సమాచారం. దుగ్గొండి మండలం మరిపెళ్లి గ్రామానికి చెందిన యార రవి అనే రైతు సాగుచేసిన 24 బస్తాల టమాటా రకం మిర్చిని కోల్డ్ స్టోరేజ్ లో బద్రపరిచాడు. ఆ మిర్చిని ఈరోజు విక్రయించగా క్వింటాకు రూ. 66, 000 రికార్డు ధర పలికింది. ఇక ఈ విషయం తెలుసుకున్న సదరు రైతు కూడా ఆనందం వ్యక్తం చేస్తున్నాడు. ముఖ్యంగా మన దేశంతో పాటు విదేశాల్లో కూడా ఈ మిర్చికి బాగా డిమాండ్ ఉన్న నేపథ్యంలో ధరలు కూడా ఆకాశాన్ని అంటుతున్నాయి. ఇక మన దేశంతో పాటు విదేశాలలో కూడా ఈ మిర్చికి బాగా డిమాండ్ ఉన్న నేపథ్యంలో ప్రతి ఒక్కరు కూడా దేశీ మిర్చిని పండించడానికి ఆసక్తి చూపిస్తున్నారు.
అకాల వర్షాలు, వైరస్ కారణంగా ఈ ఏడాది మిర్చి పంట తీవ్రంగా దెబ్బతినింది. దీంతో పంట దిగుబడి కూడా తగ్గింది .. కోల్డ్ స్టోరేజ్ లో నిల్వ ఉంచిన మిర్చికి ఇప్పుడు రికార్డు ధర పలకడం గమనార్హం. ఇక వరంగల్లో ఎక్కువగా పండించే ఈ మిర్చిని ఇప్పుడు ధరలు చూసి చాలామంది ఇదే రకం ఎండుమిర్చిని పండించడం మొదలుపెట్టారు.
