దానికి బన్నీ వాసు కాస్త ఘాటుగానే, కానీ చాలా నిజాయతీగా స్పందించారు. ఆయన మాట్లాడుతూ —“పక్క సినిమాను తొక్కితేనే మన సినిమా ఆడుతుంది అనుకునే వాళ్లు పిచ్చోళ్లు. అలాంటి ఆలోచన కలిగిన వాళ్లు ఇండస్ట్రీలో ఉండకూడదు. సినిమా బాగుంటే అది తప్పకుండా ఆడుతుంది. ప్రేక్షకుడు ఎప్పుడూ మంచి కంటెంట్‌ను మాత్రమే ఎంచుకుంటాడు. కంటెంట్ బాగుంటే ఎన్ని సినిమాలు వచ్చినా అవన్నీ ఆడుతాయి. చాలా సార్లు ఒకే రోజు విడుదలైన రెండు మూడు సినిమాలు కూడా బాక్సాఫీస్ వద్ద బ్లాక్‌బస్టర్ రికార్డులు సృష్టించాయి. కాబట్టి, పక్క సినిమా రాని చూసే ప్రయత్నం చేయడం అనేది మూర్ఖత్వం తప్ప మరేమీ కాదు.”
“ఒక సినిమా కోసం ఎంతమంది కళాకారులు, టెక్నీషియన్లు కష్టపడతారో మనందరికీ తెలుసు. వాళ్లు తమ జీవితంలో ఏకైక ఆశగా ఒక సినిమా మీద పని చేస్తారు. అలాంటి వాళ్ల కృషిని తొక్కడం అనేది మనసున్న వాళ్లు చేసే పని కాదు. నా సినిమా నాకు ఎంత ముఖ్యమో, పక్కవాళ్ల సినిమా కూడా అంతే ముఖ్యమని నేను నమ్ముతాను. అందరి సినిమాలు బాగుండాలి — అందులో నా సినిమా కూడా ఉండాలి అనేది నా అభిప్రాయం.”బన్నీ వాసు చెప్పిన ఈ వ్యాఖ్యలు అక్కడ ఉన్నవారినీ, సోషల్ మీడియా వర్గాలనూ ఆకట్టుకున్నాయి. ఆయన మాటల్లో కనిపించిన నిజాయతీ, సమానత భావం నెటిజన్లను బాగా ఇంప్రెస్ చేసింది. చాలా మంది ఆయనను ప్రశంసిస్తూ, “ఇండస్ట్రీకి ఇలాంటి మైండ్‌సెట్ ఉన్న నిర్మాతలు అవసరం” అంటూ కామెంట్లు చేస్తున్నారు.
మరికొందరు ఓ స్టార్ హీరో ఫ్యాన్స్ ని టార్గెట్ చేసే ఈ మాటలు మాట్లాడాడు బన్నీ వాసు అంటున్నారు. ప్రస్తుతం “మిత్రమండలి” మూవీకి మంచి హైప్ క్రియేట్ అయింది. ఫ్యామిలీ, ఫ్రెండ్షిప్, ఎమోషన్ కలగలిపిన హార్ట్ టచింగ్ కథతో ఈ సినిమా ప్రేక్షకుల హృదయాలను తాకుతుందనే నమ్మకం బన్నీ వాసు వ్యక్తం చేశారు. ఇక దీపావళి రేస్‌లో నాలుగు సినిమాల మధ్య “మిత్రమండలి” కూడా తనదైన మార్క్ వేసేలా కనిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి