“మీసాల పిల్ల” పాట ట్యూన్‌, లిరిక్స్‌, చిరంజీవి గ్రేస్‌ అన్నీ సగటు స్థాయిలో కాకుండా బాగానే ఉన్నా — సోషల్ మీడియాలో మాత్రం ట్రోలింగ్ మొదలైంది. చాలా మంది ప్రేక్షకులు ఈ పాటను “గోదారి గట్టుమీద రామచిలకవే” లాంటి ఓల్డ్ క్లాసిక్‌ సాంగ్‌తో పోలుస్తున్నారు. కొంతమంది నెటిజన్లు ఈ బీట్ 80–90 దశకంలోని మ్యూజిక్ స్టైల్‌ను గుర్తు చేస్తోందని కామెంట్లు చేస్తున్నారు.పాటలో చిరంజీవి ఎనర్జీ ఇప్పటికీ ఉన్నదే కానీ, కొంతమంది విమర్శకులు ఆయన బాడీ లాంగ్వేజ్‌ “డ్రామాటిక్‌గా” ఉందని అంటున్నారు. గతంలో ఆయన స్టెప్స్ ఎంత నేచురల్‌గా, లవ్‌లీగా ఉండేవో ఇప్పుడు కొంచెం ఆ ఫీల్‌ తగ్గిందని టాక్. అంతేకాకుండా, ఈ సాంగ్‌లో హీరోయిన్ నయనతారకు డ్యాన్స్‌ చేయడానికి పెద్దగా స్కోప్‌ ఇవ్వకపోవడం కూడా అభిమానుల్లో అసంతృప్తిని కలిగించింది. “ఇంత గ్రాండ్‌ సాంగ్‌లో చిరంజీవి, నయనతార ఇద్దరికి సమానంగా స్కోప్‌ ఇవ్వాలి కదా!” అంటూ కొందరు ఫ్యాన్స్ సోషల్ మీడియాలో స్పందిస్తున్నారు.
అయితే మరోవైపు, సాంగ్ పాపులారిటీ మాత్రం తగ్గలేదు. సాంగ్ ప్రోమో రిలీజ్ అయిన క్షణం నుంచి వందల కొద్దీ రీల్స్‌, షార్ట్ వీడియోలు సోషల్ మీడియాలో వైరల్ అయ్యాయి. అంటే పాట ట్యూన్‌, బీట్ జనానికి “కరెక్ట్‌గా హిట్ అయ్యింది” అన్నమాట. కానీ పూర్తి సాంగ్ రిలీజ్ అయిన తర్వాతే కొందరు ట్రోలింగ్ మొదలుపెట్టారు. మెగాస్టార్ చిరంజీవి ప్రస్తుతం 70 ఏళ్ల వయసులో కూడా అద్భుతమైన ఎనర్జీని కనబరుస్తున్నారని చాలామంది ప్రశంసిస్తున్నా — కొంతమంది మాత్రం ఆయన లుక్, బాడీ లాంగ్వేజ్‌పై నెగిటివ్ వ్యాఖ్యలు చేస్తున్నారు. “పాత గ్లామర్‌ తగ్గిందేమో కానీ స్టైల్‌ మాత్రం అలాగే ఉంది” అని అభిమానులు అంటున్నారు.
మొత్తానికి, “మీసాల పిల్ల” సాంగ్ మీద ఫ్యాన్స్ నుంచి మిక్స్‌డ్‌ రెస్పాన్స్ వస్తోంది. ఒకవైపు ట్రోలింగ్, మరోవైపు హిట్ రీల్స్‌ — రెండూ కలిపి పాటను టాప్ ట్రెండ్‌లో నిలిపాయి. ఇప్పుడు దర్శకుడు అనిల్ రావిపూడి ఈ ఫీడ్‌బ్యాక్‌ను ఎలా హ్యాండిల్‌ చేస్తాడు, సినిమాలో ఈ సాంగ్ విజువల్‌గా ఎలా కనెక్ట్‌ అవుతుందో చూడాలి. ఎందుకంటే సంక్రాంతికి రానున్న ఈ చిత్రం ఇప్పటికే భారీ ఎక్స్పెక్టేషన్స్‌ను మోస్తోంది.“మీసాల పిల్ల” నిజంగా బ్లాక్‌బస్టర్ బీట్ అవుతుందా..? లేక సోషల్ మీడియా విమర్శలు దాని ఇమేజ్‌ను ప్రభావితం చేస్తాయా? అన్నది రాబోయే రోజుల్లో తేలనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి