ఈ క్రమంలోనే అటు జగన్ ప్రభుత్వంపై కూడా పలు విమర్శలు గుప్పించారు రఘురామకృష్ణంరాజు. ఏపీ ఆర్థిక శాఖ మంత్రి ఎక్కువ సమయం పాటు ఢిల్లీలోనే ఉంటున్నారు.. అయితే జగన్ ఐదుగురు ఉప ముఖ్యమంత్రులు నియమించనున్నట్లు గానే అయిదుగురు ఆర్థిక శాఖ మంత్రి కూడా నియమించుకొని ఉంటే బాగుండేది అంటూ ఎద్దేవా చేశారు రఘురామకృష్ణంరాజు. ఇక విశాఖ ను రాజధానిగా చేస్తామని ప్రకటించిన నాటి నుంచి విశాఖలో ఇక వైసీపీ నేతలు రెచ్చిపోతున్నారు. కనిపించిన ఆస్తులన్నింటినీ కబ్జాలు చేస్తున్నారు. బీచ్ రోడ్ లోని అనేక ఆస్తులను నయానా భయానా ద్వారా స్వాధీనం చేసుకుంటున్నారు. దీంతో విశాఖ ప్రజలందరిలో భయభ్రాంతులు పెరిగిపోతున్నాయి అంటూ రఘురామకృష్ణరాజు వ్యాఖ్యానించారు.
వరల్డ్ బెస్ట్ ఎంప్లాయిస్ అవార్డును అందుకున్న అమర్ రాజా కంపెనీ ఇక ఏపీ ని వదిలి వెళ్ళి పోతూ ఉండటం పై కూడా స్పందించారు రఘురామకృష్ణంరాజు. ఏపీలో ఉన్న పొలిటికల్ పొల్యూషన్ కారణంగానే అమర రాజా కంపెనీ వెళ్ళిపోతుంది అంటూ వ్యాఖ్యానించారు. ఇదంతా సీఎం జగన్ కక్షపూరితంగానే చేస్తున్నారు అంటూ విమర్శలు గుప్పించారు. తమిళనాడులో ఉన్న తన పరిశ్రమకు కూడా ఇలాగే ఇబ్బందులు కల్పించారు అంటూ చెప్పుకొచ్చారు. జగన్ తీసుకొస్తున్న స్కీమ్స్ గురించి అటవీ పర్యావరణ శాఖ అధికారి విజయకుమార్ మాట్లాడటం ఏంటి అంటూ ప్రశ్నించారు. ప్రభుత్వ అధికారులు విచ్చలవిడిగా రాజకీయాలు మాట్లాడుతున్నారని విమర్శించారు. దేశంలో లభించే ఏ బ్రాండ్ ఏపీలో ఉండదని.. ఇక ఏపీ లో ఉండే ఏ బ్రాండ్ కూడా దేశంలో ఉండదు అంటూ ఎద్దేవా చేశారు రామకృష్ణంరాజు.