ప్రస్తుతం సర్పంచ్ల పదవీకాలం కూడా 2026 ఏప్రిల్ కి ముగుస్తుంది.. వచ్చే ఏడాది మార్చిలోనే కార్పొరేషన్లు, మున్సిపాలిటీ, నగర పంచాయతీ కార్పొరేటర్లు ,కౌన్సిలర్లు పదవి కాలం కూడా ముగియనుంది. వారి పదవీకాలం ముగియడానికి మూడు నెలల ముందే ఈ ఎన్నికలు నిర్వహించే అవకాశం ఉన్నది.(మున్సిపల్ కార్పొరేషన్ చట్టం 1995 ప్రకారమే నిర్వహించబోతున్నారు). అందుకే జనవరిలోనే ఎన్నికలు నిర్వహించాలని SEC భావిస్తోంది.
రాష్ట్ర ఎన్నికల కమిషనర్ రాసిన లేఖ ప్రకారం ఎన్నికల నిర్వహించడానికి షెడ్యూల్ ఎలా ఉందంటే.. రాష్ట్రవ్యాప్తంగా వార్డుల పునర్విభజన జరిగి రిజర్వేషన్ల ప్రక్రియను 2025 అక్టోబర్ 15 లోపల పూర్తి చేయాలి. అలాగే వార్డుల వారిగా ఓటర్ల జాబితాలను కూడా అక్టోబర్ 16 నుంచి నవంబర్ 15 లోపల పూర్తి చేయాలి. ఇలా అన్నిటిని పూర్తి చేసుకున్న తర్వాత రాజకీయ పార్టీలతో ఈ ఏడాది చివరిలో సమావేశం నిర్వహించి..2026 జనవరిలో ఎన్నికల నోటిఫికేషన్ ఇచ్చి అదే నెలలో ఫలితాలను రిలీజ్ చేసేలా ప్లాన్ చేస్తున్నారు.
అలాగే గ్రామపంచాయతీలకు కూడా 2026 జనవరిలో, జులై నుంచి ఎంపీటీసీ, జడ్పిటిసి ఎన్నికలు ఏర్పాటు చేసేలా ప్లాన్ చేస్తున్నారు. మొత్తం మీద వచ్చే ఏడాది కూడా స్థానిక సంస్థల ఎన్నికలు జరగబోతున్నట్లు తెలుస్తోంది. మరి ఈ ఎన్నికలు కూడా ఏపీలో ఎలాంటి పరిణామాలను తీసుకువచ్చేలా చేస్తాయో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి