వైసీపీ లాజిక్ ఏమిటంటే – అమరావతి రాజధాని కోసం లక్షల కోట్లు కావాలి. కాని అదే ప్రభుత్వం రాష్ట్రవ్యాప్తంగా మెడికల్ కాలేజీల నిర్మాణానికి 5,000 కోట్లు పెట్టలేకపోతోందట. ఈ లోటు తీర్చేందుకు పీపీపీ మోడల్ తెచ్చుకుందట. “పదిహేడు మెడికల్ కాలేజీలు కేవలం 5,000 కోట్లతో వస్తాయి. ఆ డబ్బులు పెట్టలేని సర్కార్, లక్షల కోట్ల రాజధాని ఎలా కడుతుంది?” అని వైసీపీ ప్రశ్నిస్తోంది. ఈ లాజిక్ వినగానే జనంలో కూడా “నిజమే కదా” అన్న భావన కలుగుతోందట. ఇదే పాయింట్‌ని పట్టుకుని వైసీపీ నేతలు కూటమిని చిత్తు చేస్తున్నారు. మాజీ మంత్రి అంబటి రాంబాబు అయితే నేరుగా “చంద్రబాబు జన్మలో అమరావతి కట్టలేరు. మెడికల్ కాలేజీలకే డబ్బులు లేని వారు రాజధాని నిర్మాణం ఏంట్రా బాబు!” అని బాంబ్ పేల్చేశారు. ఇలాంటి కౌంటర్‌లు వేస్తూ వైసీపీ ప్రజల్లో ఒక డౌటును నాటుతోంది.
ఇక కూటమి వర్గాల సంగతి వేరే. “రాజధాని ఒక డ్రీమ్ ప్రాజెక్ట్. రాష్ట్ర భవిష్యత్తు. అందుకే పెద్ద ఎత్తున రుణాలు తీసుకురావాల్సి వస్తోంది” అని చెబుతున్నా, వైసీపీ వేసిన ప్రశ్నలకు క్లియర్ ఆన్సర్ చెప్పలేక ఇబ్బంది పడుతున్నట్టే ఉంది. మొత్తానికి, అమరావతిపై కూటమి పటిష్ట అడుగులు వేస్తున్నా, వైసీపీ వేసిన “మెడికల్ కాలేజీల లాజిక్” ఒక్కటే రాజకీయంగా పెద్ద ముళ్లుగా మారుతోంది. ఈ డౌట్‌ని పక్కన పెట్టి అమరావతిని సక్సెస్‌ఫుల్‌గా ముందుకు తీసుకెళ్తారా? లేక వైసీపీ కౌంటర్‌లతో మళ్ళీ ఇరుక్కుపోతారా? అనేది ఇప్పుడు ఏపీ రాజకీయాల్లో మిలియన్ డాలర్ ప్రశ్న!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి