అయినా ఆమె వెనకడుగు వేయలేదు. నిర్భయంగా, నిస్సంకోచంగా ప్రజల హక్కుల కోసం పోరాటాన్ని కొనసాగించారు. మరియాకు ఉన్న విద్యాబలం కూడా ఈ పోరాటంలో ఆయుధంలా మారింది. 1967 అక్టోబరు 7న జన్మించిన ఆమె ఇండస్ట్రియల్ ఇంజినీరింగ్‌లో డిగ్రీ, ఫైనాన్స్‌లో మాస్టర్స్ పూర్తి చేశారు. 1992లో అనాథ పిల్లలు, వీధి బాలల కోసం ‘అటెనియా ఫౌండేషన్‌’ను స్థాపించి, తన జీవితం సేవకు అంకితం చేశారు. అనంతరం ప్రజాస్వామ్య విలువల పరిరక్షణ కోసం ఉద్యమం మొదలుపెట్టారు. ఇదే ఆమెకు శ్రమతో పాటు శాపంగా కూడా మారింది. ప్రభుత్వం ఆమెను దేశద్రోహం, కుట్ర కేసుల్లో ఇరికించి 21 సంవత్సరాల పాటు ఇంటికే బంధీగా ఉంచింది. 2002లో ఆమె ‘వెంటే వెనెజువెలా’ పేరుతో పార్టీని స్థాపించి రాజకీయాల్లోకి అడుగుపెట్టారు. 2010లో జాతీయ అసెంబ్లీ ఎన్నికల్లో అత్యధిక ఓట్లతో గెలిచి శాసనసభలోకి ప్రవేశించారు.
కానీ ఇక్కడే ఆగిపోలేదు. ప్రభుత్వం కేసులు వేసి, ఆమె అభ్యర్థిత్వాన్ని రద్దు చేసింది. అమెరికాతో సంబంధాలు పెట్టుకుందనే నెపంతో ఆమెను ఎన్నికలకు దూరం చేసింది. అయినా మ‌రియా భయపడలేదు. నిరసనలతో, ఉద్యమాలతో ప్రజల హక్కుల కోసం అహర్నిశలు కృషి చేశారు. 2024లో అధ్యక్ష ఎన్నికలకు పోటీ చేయాలనుకున్నా, అధికారాలు అడ్డుకున్నారు. అయినా ఆమె ఆగలేదు… అదే ఆమెను ప్రపంచం గుర్తించేట్టు చేసింది.ఇంత త్యాగం, ధైర్యం, నిస్వార్థ సేవకు ప్రతిఫలంగా నోబెల్ కమిటీ ఈ ఏడాది ప్రపంచ శాంతి దూతగా మ‌రియాను ఎంపిక చేసింది. ఒక మహిళ — ఒంటరిగా, నిర్బంధంలో ఉండి, వ్యవస్థకు ఎదురు నిలిచి చరిత్ర రాసింది. ఇది మ‌రియాకే కాదు… ప్రపంచంలోని ప్రతి ధైర్యవంతుడికి గర్వకారణం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి