యువ‌ర‌త్న నంద‌మూరి బాల‌కృష్ణ వ‌రుస పెట్టి అటు సినిమాలు చేసుకుం టూ .. ఇటు బుల్లితెర పై టాక్ షోల‌తో బిజీ బిజీ అవుతున్నారు. అటు రాజ‌కీయాల్లోనూ రాణిస్తున్నారు. ఆయ‌న హిందూపురం ఎమ్మెల్యే గా రెండు సార్లు విజ‌యం సాధించారు. బాల‌య్య బిజీ షెడ్యూల్ మామూలుగా లేదు. బాల‌య్య హోస్ట్ గా ఆహా ఓటీటీ ప్లాట్ ఫాంలో చేస్తోన్న అన్‌ స్టాపబుల్‌ విత్‌ ఎన్‌బీకే అనే టాక్ షో ఎలా దూసుకు పోతోందో చూస్తూనే ఉన్నాం.

అస‌లు బాల‌య్య తోటి నటీనటులను ఇంటర్వ్యూ చేస్తుండడంతో ప్రేక్షకులు మాత్ర‌మే కాదు యావ‌త్ తెలుగు సినిమా ఇండ‌స్ట్రీ వాళ్లు సైతం ఎంతో ఆసక్తిగా చూశారు. ఆహా ఓటీటీ బాలకృష్ణతో షో నిర్వహించనున్నామని ప్రకటించిననాటి నుంచి ఈ షోపై ఎక్కడలేని క్యూరియాసిటీ ఏర్పడింది. అయితే ఇప్ప‌టికే వ‌చ్చిన రెండు షోలు కూడా సూప‌ర్ డూప‌ర్ హిట్ అయ్యాయి. ఇక బాల‌య్య మూడో ఎపిసోడ్ లో బ్ర‌హ్మానందాన్ని ఇంట‌ర్వ్యూ చేస్తున్నారు.

నాలుగో ఎపిసోడ్ సూప‌ర్ స్టార్ మ‌హేష్ బాబుతో చేయ‌నున్నారు. ఇదిలా ఉంటే బోయ‌పాటి ద‌ర్శ‌క‌త్వంలో బాల‌య్య చేసిన అఖండ సినియా రేపు రిలీజ్ అవుతోంది. ఈ సినిమా త‌ర్వాత బాల‌య్య వ‌రుస పెట్టి క్రేజీ ద‌ర్శ‌కుల‌తో సినిమాలు చేయ‌నున్నాడు. బాల‌య్య లైన‌ప్ లో ఉన్న ద‌ర్శ‌కుల‌ను చూస్తే అఖండ‌ సినిమా తర్వాత గోపీచంద్‌ మలినేనితో ఓ సినిమా చేయనున్నారు.

క్రాక్ త‌ర్వాత మ‌లినేని గోపీచంద్ డైరెక్ట్ చేస్తోన్న సినిమా ఇదే. ఈ సినిమా కూడా పూర్తికాగానే పూరి జగన్నాథ్‌, అనీల్‌ రావిపూడి సినిమాలు లైన్లో ఉన్నాయి. ఆ త‌ర్వాత క్రిష్ తో మ‌రో సినిమా కూడా ఉంది. ఇవ‌న్నీ కూడా క్రేజీ ద‌ర్శ‌కుల కాంబోలో వ‌స్తో న్న సినిమా లు కావ‌డంతో వీటి పై భారీ అంచ‌నా లు ఉన్నాయి. ఏదేమైనా బాల‌య్య వ‌రుస సినిమాల‌తో బిజీ కానున్నా డు.

 

మరింత సమాచారం తెలుసుకోండి: