ప్రస్తుతం చైనాలో ఉన్న ప్రధాన నగరాల్లో షాంఘై నగరం కూడా ఒకటి. ఇక ఇప్పుడు అక్కడ ఒక రెస్టారెంట్ గిన్నిస్ బుక్ ఆఫ్ రికార్డులో స్థానం సంపాదించుకోవడం తో ఇదే ప్రస్తుతం చైనా వ్యాప్తంగా హాట్ టాపిక్ గా మారిపోయింది.. ఇక ఈ రెస్టారెంట్ స్పెషాలిటీ ఏమై ఉంటుందా అని అక్కడి ప్రజలందరూ రెస్టారెంట్ కు తరలి వెళ్తున్నారు. ఇక ఈ రెస్టారెంట్ స్పెషాలిటీ ఏమిటంటే.. ఏకంగా భూమి నుంచి అర కిలోమీటర్ ఎత్తులో అంటే 555.36 మీటర్ల ఎత్తులో రెస్టారెంట్ ను నిర్మించారు. అంటే 120 వ అంతస్తులో ఈ రెస్టారెంట్ ఉంది. దీని పేరు హెవెన్లీ రెస్టారెంట్.
ఇంకో స్పెషాలిటీ ఏమిటంటే.. సాధారణంగా ఏ హోటల్ లో అయినా సరే కిచెన్ సీక్రెట్ గానే ఉంటుంది. కస్టమర్లకు కిచెన్లోకి అసలు అనుమతించరు. కానీ ఇక్కడ మాత్రం ఈ హోటల్ లో ఓపెన్ కిచెన్ ఉంటుందట.. హోటల్ కి వచ్చే అతిథులు ఎవరైనా సరే కిచెన్ లోకి వెళ్లి వంటకాలు ఎలా తయారు చేస్తున్నారు అని చూసేందుకు కూడా అవకాశం ఉంటుందట. అంతేకాదు ఈ హోటల్ లో ఒకేసారి 256 మంది కూర్చుని విందు ఆరగించేందుకు కూడా అవకాశం ఉంటుందట. అంతేకాకుండా ఈ హోటల్లో 5 ప్రైవేట్ డైనింగ్ రూములు కూడా ఉన్నాయి అన్నది తెలుస్తుంది. ఏదేమైనా ఇక ఒక రెస్టారెంట్ గిన్నిస్ బుక్ లో రికార్డు సాధించడం మాత్రం ప్రస్తుతం హాట్ టాపిక్ గా మారిపోయింది..
