అంటే, ఆ దేశాల పౌరులు అమెరికా గడ్డపై కాలుమోపడానికి వీల్లేదు, అలాగే అమెరికన్లు కూడా ఆ దేశాల వైపు కన్నెత్తి చూడటానికి లేదు. ఇదో రకంగా ఆయా దేశాలకు అమెరికా ఇచ్చిన బిగ్ రెడ్ సిగ్నల్ అన్నమాట. ఈ జాబితాలో ఉన్న దేశాల పౌరులకు అమెరికా వీసాలు దాదాపు అందని ద్రాక్షే. అమెరికన్ పౌరులు సైతం ఈ దేశాలకు వెళ్లడంపై కఠినమైన ఆంక్షలున్నాయి. ఆ జాబితా చూస్తే ఒకింత ఆశ్చర్యం కలగకమానదు. ఆ లిస్ట్‌లో ఇరాన్, ఆఫ్ఘనిస్తాన్, సోమాలియా, యెమెన్, లిబియా, సూడాన్, ఎరిట్రియా, కాంగో, చాద్, హైతీ, బర్మా (మయన్మార్), ఈక్వటోరియల్ గినియా ఉన్నాయి.
ఈ పన్నెండు దేశాల విషయంలో అమెరికా వైఖరి చాలా స్పష్టం, నో ఎంట్రీ, అంతే. ఈ నిర్ణయం ప్రపంచవ్యాప్తంగా తీవ్ర చర్చనీయాంశంగా మారింది, మానవతా దృక్పథంతో పాటు దౌత్యపరమైన చిక్కులనూ తెచ్చిపెట్టింది.
ఇక, మరికొన్ని దేశాల విషయంలో అమెరికా కాస్త మెతక వైఖరి అవలంబించినా, పూర్తి స్వేచ్ఛ అయితే ఇవ్వలేదు. ఈ దేశాల పౌరులు టూరిస్టులుగా అమెరికా అందాలను వీక్షించడానికి రావొచ్చు, కానీ అక్కడే స్థిరపడదామంటే మాత్రం కుదరదు. ప్రతి ఒక్కరినీ క్షుణ్ణంగా తనిఖీ చేసి, అన్నీ సవ్యంగా ఉన్నాయని నిర్ధారించుకున్న తర్వాతే అనుమతిస్తారు. ఈ కేటగిరీలో ఉన్న దేశాలు ఏంటంటే, వెనిజులా, క్యూబా, లావోస్, సియర్రా లియోన్, బురుండి, టోగో, తుర్క్‌మెనిస్తాన్.
వీరికి పర్యాటక వీసాలు లభించే అవకాశం ఉన్నప్పటికీ, నిరంతర నివాసం లేదా ఇతర దీర్ఘకాలిక వీసాల విషయంలో మాత్రం కఠినమైన జల్లెడ తప్పదు.
ట్రంప్ తీసుకున్న ఈ కఠినమైన ప్రయాణ ఆంక్షల వెనుక వ్యూహం ఏదైనా, ప్రపంచవ్యాప్తంగా ఇది పెను సంచలనమే సృష్టించింది. కొన్ని దేశాలకు అమెరికా దూరం పెరిగితే, మరికొన్ని దేశాలతో సంబంధాలు మరింత సంక్లిష్టంగా మారాయి. ఈ నిర్ణయాల ప్రభావం ఇప్పటికీ ఏదో ఒక రూపంలో కనిపిస్తూనే ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి