సునీత – శ్రీరామ్ ఎంట్రీ .. రవీంద్ర మరణంతో ఆయన భార్య పరిటాల సునీత రాజకీయాల్లోకి వచ్చారు. 2014లో రాప్తాడు నుంచి గెలిచి మంత్రి పదవీని కూడా చేపట్టారు. ఇదే సమయంలో పరిటాల వారసుడు శ్రీరామ్ యువ నేతగా ముందుకు వచ్చారు. అప్పట్లో ఆయనకు ప్రాంతం సున్నితమైనదని గుర్తించి ప్రభుత్వం గన్‌మెన్ ఇచ్చింది. కానీ 2019లో వైసీపీ అధికారంలోకి వచ్చాక ఆయన భద్రత తొలగించబడింది. ధర్మవరం లో ఫోకస్ .. 2019లో టీడీపీ ఓటమి, వరదాపురం సూరి బీజేపీలోకి మారిపోవడంతో ధర్మవరం బాధ్యతలు శ్రీరాం భుజాలపై పడ్డాయి. ఐదేళ్ల పాటు అక్కడ ఇంచార్జ్‌గా కఠిన పోరాటాలు చేశారు. 2024 ఎన్నికల్లో పొత్తుల కారణంగా ఆ సీటు బీజేపీకి దక్కింది. సత్యకుమార్ యాదవ్ గెలిచి మంత్రిగా ప్రమోషన్ పొందారు. అయినప్పటికీ టీడీపీ, ముఖ్యంగా చంద్రబాబు, ధర్మవరం ఇంచార్జ్‌గా శ్రీరామ్ ని కొనసాగిస్తున్నారు. దీంతో ఆయన అక్కడ వైసీపీకి గట్టి సవాలుగా మారారు.
కోర్టు ఆదేశాలతో భద్రత .. ఇటీవల హైకోర్టు ఆదేశాల మేరకు పరిటాల శ్రీరామ్ కి మళ్ళీ భద్రత కల్పించబడింది. రాయలసీమ రాజకీయాల్లో "కత్తి మీద సాము" లాంటి పరిస్థితులు ఉండటంతో భద్రత తప్పనిసరి అయింది. పరిటాల కుటుంబ చరిత్రే పోరాటాలతో నిండిపోయినది కాబట్టి శ్రీరాం కి సెక్యూరిటీ రీస్టోర్ కావడం సహజమే.ముందున్న సవాళ్లు .. ఇక భద్రత తిరిగి దక్కించుకున్న తర్వాత శ్రీరాం మరింత దూకుడుతో ధర్మవరం – రాప్తాడు రాజకీయాల్లో అడుగులు వేస్తారని అంటున్నారు. రాయలసీమలో ఫ్యాక్షన్ ముద్రని తగ్గించే ప్రయత్నం ఒక వైపు జరుగుతుంటే, పరిటాల వారసుడిగా శ్రీరామ్ మరో వైపు రాజకీయాల్లో తనకంటూ స్థానం సంపాదించుకోవాలనుకుంటున్నారు. రాబోయే రోజుల్లో ఆయన పోరాటం వైసీపీ వర్సెస్ టీడీపీ మధ్య హాట్ టాపిక్ అవడం ఖాయం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి