ఎన్టీఆర్ కొమురం భీం గా రామ్ చరణ్ అల్లూరి సీతారామరాజుగా యాక్ట్ చేస్తున్న ఈ సినిమా నుండి ఇటీవల విడుదలైన ఇద్దరు హీరోల టీజర్లు ఆడియన్స్ నుండి మంచి రెస్పాన్స్ దక్కించుకుని సినిమాపై మరింత భారీ హైప్ క్రియేట్ చేసాయి. అత్యంత భారీ వ్యవయంతో, అత్యున్నతంగా నిర్మితం అవుతున్న ఈ సినిమా పేట్రియాటిక్ డ్రామా మూవీ గా పలు యాక్షన్, కమర్షియల్ హంగులతో తెరకెక్కుతోంది. కీరవాణి సంగీతం అందిస్తున్న ఈ మూవీకి సెంథిల్ కుమార్ ఫొటోగ్రఫీని అలానే సాయి మాధవ్ బుర్రా మాటలను సమకూరుస్తున్నారు. ఇక అసలు విషయం ఏమిటంటే ఈ సినిమా యొక్క ఆడియో రైట్స్ ని ప్రముఖ సంస్థలు లహరి, టి సిరీస్ వారు ఏకంగా రూ.25 కోట్ల రూపాయలకు దక్కించుకున్నారు. ఇప్పటివరకు ఈ స్థాయిలో ఆడియో రైట్స్ అమ్ముడుపోయిన సినిమా ఇదే కావడం విశేషం.
కొద్దిసేపటి క్రితం ఈ సినిమా ఆడియో రైట్స్ కొనుగోలుకు సంబంధించి అధికారిక ప్రకటన విడుదల చేసిన టి సిరీస్ సంస్థ త్వరలో ఈ మూవీ సాంగ్స్ విడుదల చేస్తామని, తప్పకుండా అన్ని పాటలు శ్రోతలను ఎంతో ఆకట్టుంటాయని వారు అంటున్నారు. ఈ సినిమాకి కీరవాణి అద్భుతమైన సాంగ్స్ తో పాటు అదిరిపోయే రేంజ్ లో బ్యాక్ గ్రౌండ్ స్కోర్ కూడా సమకూర్చినట్లు టాక్. కాగా ఈ సినిమా అక్టోబర్ 13న ప్రపంచవ్యాప్తంగా విడుదల కానున్న విషయం తెలిసిందే ..... !!
