పవన్ కళ్యాణ్ అభిమానులు ఈ సినిమాపై చూపించిన క్రేజ్ అమోఘం. విడుదలకు ముందు నుంచే సోషల్ మీడియాలో #OGStorm హ్యాష్‌టాగ్‌తో ట్రెండ్స్ సృష్టించి, ఫస్ట్ డే ఫస్ట్ షో నుంచి థియేటర్లలో పవన్ మేనియా తారస్థాయికి చేరింది. ఫ్యాన్స్ హంగామా, పవన్ స్టైల్, డైలాగ్ డెలివరీ—అన్ని ఈ సినిమాకి బాగా ప్లస్ గా మారాయి. అయితే సినిమా మొదటి రెండు రోజుల తర్వాత కొంత నెగిటివ్ టాక్ బయటికొచ్చింది. ముఖ్యంగా సినిమాకి వచ్చిన ‘A’ సర్టిఫికేట్ చిన్న వయసు అభిమానులపై ప్రభావం చూపిందని ట్రేడ్ వర్గాలు చెబుతున్నాయి. 18 ఏళ్లలోపు అభిమానులు సినిమా చూడలేకపోవడంతో టికెట్ సేల్స్‌పై గణనీయమైన ప్రభావం పడింది. నైజాం, గుంటూరు, ఓవర్సీస్ ప్రాంతాల్లో మాత్రమే స్ట్రాంగ్ హోల్డ్ కొనసాగుతుండగా, మిగిలిన ఏరియాల్లో కొంత కలెక్షన్ డ్రాప్ కనిపించింది.
ఇదే సమయంలో రిషబ్ శెట్టి డైరెక్ట్ చేసి నటించిన ‘కాంతార చాప్టర్ 1’ విడుదల కావడంతో పరిస్థితి మరింత క్లిష్టమైంది. ఆ సినిమాకు వచ్చిన పాజిటివ్ టాక్, అద్భుతమైన మౌత్ పబ్లిసిటీ కారణంగా చాలా మంది ప్రేక్షకులు దానివైపు మొగ్గు చూపారు. ఫలితంగా ‘ఓ జీ’ కలెక్షన్లు 15–20% వరకు తగ్గిపోయాయని బాక్సాఫీస్ వర్గాలు అంచనా వేస్తున్నాయి. సినిమాలో పవన్ కళ్యాణ్ మాస్ లుక్, యాక్షన్ సీన్స్, థమన్ బ్యాక్‌గ్రౌండ్ స్కోర్ ప్రేక్షకులను ఆకట్టుకున్నాయి. అయితే సెకండ్ హాఫ్‌లో కథనంలో వచ్చిన నెమ్మదితనం, హై ఎక్స్‌పెక్టేషన్లను తట్టుకోలేకపోవడం సినిమా వసూళ్లపై కొంత ప్రతికూల ప్రభావం చూపిందని విశ్లేషకులు చెబుతున్నారు.
సినీ ప్రముఖుల అభిప్రాయం ప్రకారం.. సినిమా టికెట్ ధరలు కొంత తగ్గించిన తరువాత తిరిగి పికప్ వచ్చే అవకాశం ఉందని అనుకున్నారు. కానీ అదే టైలో కాంతారా ఎంట్రీ ఇవ్వడం బిగ్ మైనస్ గా మారిపోయింది. పవన్ కళ్యాణ్ ఫ్యాన్స్ మాత్రం ఇంకా పాజిటివ్‌గా ఉండి, “మా హీరో సినిమా ఎప్పటికీ నెగిటివ్ కాదు, కంటెంట్ మాస్ ఆడియన్స్‌కి నచ్చింది” అని సోషల్ మీడియాలో కామెంట్స్ చేస్తున్నారు. ప్రస్తుతం సినిమా కలెక్షన్లు కొంత తగ్గినప్పటికీ, పరిస్ధితి మళ్లీ బౌన్స్ బ్యాక్ అయ్యే అవకాశం ఉందని ట్రేడ్ విశ్లేషకులు చెబుతున్నారు. మరోవైపు ఓటీటీ రైట్స్, సాటిలైట్ రైట్స్ ద్వారా నిర్మాతలకు భారీ రాబడి వచ్చేసిందని సమాచారం.
పవర్ స్టార్ పవన్ కళ్యాణ్ ‘ఓ జీ’ — ప్రారంభంలో భారీ రికార్డులు సృష్టించినా, నెగిటివ్ టాక్, ఆ సర్టిఫికేట్ ఇష్యూస్ కారణంగా కొంత వెనుకబడి పోయింది. అయినప్పటికీ పవన్ మేనియా మాత్రం ఎప్పటిలాగే కొనసాగుతోంది. ఈ సినిమా చివరికి ఎంత కలెక్షన్ రాబడుతుందో చూడాలి. కానీ ఒక విషయం మాత్రం ఖాయం — పవన్ కళ్యాణ్ మాస్ క్రేజ్‌కు ఎలాంటి తాళం వేయలేము!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి