ఇక వీరు హుజూరాబాద్ ఉప ఎన్నిక మీద స్పందించారు. రాష్ర్టం మొత్తం హుజూరాబాద్ వైపు చూస్తున్న ఈ తరుణంలో వారు చేసిన వ్యాఖ్యలు ప్రాధాన్యత సంతరించుకున్నాయి. ఇటీవలే టీఆర్ఎస్ నుంచి మాజీ మంత్రి ఈటల రాజేందర్ బీజేపీ గూటికి చేరారు. దీంతో కమలనాథులు రెట్టించిన ఉత్సాహంతో ఉప ఎన్నికల బరిలో దిగుతున్నారు. కానీ ఎలాగైనా గెలవాలని చూస్తున్న టీఆర్ఎస్ నియోజకవర్గంలో ఉన్న దళితులు ఓట్లను రాబట్టుకునేందుకు దళిత బంధు పథకాన్ని తీసుకు వచ్చింది. ఇక ఈ పథకంపై వీరు విమర్శలు గుప్పించారు. ప్రజా స్పందన చూసి భయపడే సీఎం కేసీఆర్ దళిత బంధును ప్రవేశపెట్టాడని వారు ఆరోపించారు. ఇక రాష్ర్టంలో కాంగ్రెస్ పార్టీకి సీఎం కేసీఆర్ ఓనర్ అయ్యాడని మరో ఎంపీ ధర్మపురి అర్వింద్ వ్యాఖ్యానించాడు.
