ఎంతో ఎమోషనల్ గా రొమాంటిక్ డ్రామా నేపథ్యంలో సాగె ఈ సినిమాలో నటించిన పవన్, కీర్తి ల జోడీకి అప్పటి యువత నుండి విశేషమైన క్రేజ్ లభించింది. ముఖ్యంగా ఈ సినిమాకి మ్యూజిక్ డైరెక్టర్ దేవా అందించిన సాంగ్స్, బీజీఎమ్ కూడా ఎంతో అదిరిపోవడంతో పాటు సినిమా సక్సెస్ కు ఒక కారణంగా నిలిచాయి. అన్ని వర్గాల ఆడియన్స్ తో పాటు ముఖ్యంగా యువత మనోభావాలకు అద్దం పట్టేలా ప్రేమలోని మాధుర్యాన్ని తెలిపే సినిమాగా ఎంతో అద్భుతంగా తొలిప్రేమ ని తెరకెక్కించారు దర్శకుడు కరుణాకరన్.
ఈ సినిమాలో హీరోయిన్ ఇంట్రడక్షన్ సీన్, హీరో ఒక చిన్న పాపని బైక్ మీద నుండి పడకుండా కాపాడే సీన్, అలానే హీరో, హీరోయిన్స్ ఇద్దరూ కూడా లోయలో పడే సన్నివేశంతో పాటు ప్రీ క్లైమాక్స్, క్లైమాక్స్ సన్నివేశాలు ఆడియన్స్ ని ఎంతో ఆకట్టుకుంటాయి. ఇక ఈ సినిమా విడుదల తరువాత పవన్ కు యువతలో విశేషమైన క్రేజ్ లభించింది. ఇక ఈ సినిమా ఉత్తమ ఫీచర్ ఫిలిం గా ఏకంగా జాతీయ అవార్డు అందుకోవడంతో పాటు బెస్ట్ ఫస్ట్ ఫిలిం డైరెక్టర్ గా, అలానే బెస్ట్ స్క్రీన్ ప్లే రైటర్ గా కరుణాకరన్, బెస్ట్ ఎడిటర్ గా మార్తాండ్ కె వెంకటేష్, బెస్ట్ ఆడియోగ్రాఫర్ గా మధుసూదన్, బెస్ట్ సపోర్టింగ్ యాక్ట్రెస్ గా వాసుకి, అలానే బెస్ట్ ఫీచర్ ఫిలిం గా ఆంధ్రప్రదేశ్ రాష్ట్ర ప్రభుత్వ నంది అవార్డులు గెలుచుకోవడం జరిగింది. .... !!