టాప్ ఆర్డర్ విఫలమై జట్టు కష్టాల్లో ఉన్న సమయంలో నాగపూర్ టెస్టులో 84 పరుగులు చేసిన అక్షర్ పటేల్ ఢిల్లీ టెస్టులో 74 పరుగులు చేశాడు. ఇక అహ్మదాబాద్ టెస్టులో 79 పరుగులు చేసి జట్టు విజయంలో కీలక పాత్ర వహించాడు అని చెప్పాలి. అయితే ఒకవైపు బ్యాటింగ్లో అదరగొడుతూనే మరోవైపు బౌలింగ్ లోకి కూడా సత్తా చాటాడు. నాలుగు టెస్ట్ మ్యాచ్ లలో ఐదు ఇన్నింగ్స్ లో కలిపి 264 పరుగులు చేశాడు అక్షర్ పటేల్. సిరీస్ లో అత్యధిక సిక్సర్లు బాదిన ప్లేయర్గా కూడా అక్షర్ పటేల్ నిలిచాడు అని చెప్పాలి. అదే సమయంలో ఎన్నో అరుదైన రికార్డులను కూడా తన ఖాతాలో వేసుకున్నాడు అక్షర్ పటేల్.
నాగపూర్ టెస్టులో 28 ఓవర్లు వేసి ఒకరి వికెట్ తీసాడు. 150 పరుగులు చేసిన ఉస్మాన్ ఖావాజా ను ఎల్పీడబ్ల్యుగా అవుట్ చేసిన అక్షర పటేల్.. 2 వ ఇన్నింగ్స్ లో మాత్రం ట్రావిస్ హెడ్ ను సెంచరీ చేయకుండా అడ్డుకున్నాడు అని చెప్పాలి. అయితే ట్రావిస్ హెడ్ వికెట్ తీయడం ద్వారా తన కెరియర్ లో 50 వికెట్లు పూర్తి చేసుకున్నాడు అక్షర్ పటేల్. ఇక బంతుల వారీగా చూసుకుంటే మాత్రం అత్యంత వేగంగా 50 వికెట్లు తీసిన బౌలర్గా అక్షర్ పటేల్ అరుదైన రికార్డు సృష్టించాడు అని చెప్పాలి. అక్షర్ పటేల్ 225 బంతుల్లో 50 వికెట్లు తీయగా బుమ్రా 2465 బంతుల్లో ఈ రికార్డు సాధించాడు. కర్సన్ గార్వి 2534 బంతుల్లో, రవిచంద్రన్ అశ్విన్ 2597 బంతుల్లో 50 వికెట్లను అందుకున్నాడు అని చెప్పాలి.