ట్రైలర్ లాంచ్ ఈవెంట్ అనంతరం.. తాజాగా బడా బ్యాక్‌గ్రౌండ్ క‌లిగి ఉన్న టాలీవుడ్ హీరో నారా రోహిత్ మనోజ్ ను ఉద్దేశిస్తూ ఓ ఇంట్రెస్టింగ్ పోస్ట్ పెట్టారు. `నిన్న ఏలూరులో భైరవం ఈవెంట్ లో అద్భుతమైన సాయంత్రం గడిపాను. ఈ ఈవెంట్‌ను ఎంతో ప్రత్యేకంగా మార్చినందుకు ఏలూరు ప్రజలకు హృదయపూర్వక ధన్యవాదాలు. ఈ కార్యక్రమంలో ముఖ్యంగా మా బాబాయ్ మంచు మనోజ్ హైలెట్‌గా నిలిచాడు. ఆయన ప్రసంగం శక్తివంతమైనది, భావోద్వేగమైనది మరియు నిజంగా హృదయాన్ని కదిలించింది. ఏది ఏమైనా, నేను ఎల్లప్పుడూ నీకు తోడుగా ఉంటా బాబాయ్. ల‌వ్ యూ!` అంటూ ఎక్స్ వేదిక‌గా నారా రోహిత్ పోస్ట్ పెట్టాడు. అది కాస్త ఇప్పుడు వైరల్ గా మారింది.
కాగా, భైరవం విష‌యానికి వస్తే.. ఇదొక మ‌ల్టీస్టార‌ర్. ఈ విజయ్ కనకమేడల డైరెక్ట్ చేసిన ఈ రస్టిక్ యాక్షన్ డ్రామాలో బెల్లంకొండ సాయి శ్రీనివాస్, మంచు మనోజ్, నారా రోహిత్ హీరోలుగా న‌టించారు. అదితి శంకర్, ఆనంది, దివ్యా పిల్లై హీరోయిన్లుగా చేశారు. ఓ పురాత‌న గుడి, ధర్మం కోసం నిలబడే ముగ్గురు స్నేహితుల చుట్టూ భైరవం స్టోరీ సాగుతుంది. ఇప్పటికే ఈ చిత్రంపై మంచి అంచనాలు ఏర్ప‌డ్డాయి. భైర‌వంతో బెల్లంకొండ శ్రీనివాస్, నారా రోహిత్, మనోజ్ ముగ్గురూ కంబ్యాక్ ఇవ్వాల‌ని ఫ్యాన్స్ మరియు సినీ ల‌వ‌ర్స్ ఆకాంక్షిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి