పవర్ స్టార్ పవన్ కళ్యాణ్ తాజాగా ఓజి అనే పవర్ఫుల్ గ్యాంగ్ స్టార్ మూవీ లో హీరో గా నటించిన విషయం మనకు తెలిసిందే. ప్రియాంక అరుల్ మోహన్ ఈ సినిమాలో పవన్ కి జోడిగా నటించగా ... సుజిత్ ఈ సినిమాకు దర్శకత్వం వహించాడు. బాలీవుడ్ నటుడు ఇమ్రాన్ హష్మీ ఈ మూవీ లో విలన్ పాత్రలో నటించగా ... శ్రేయ రెడ్డి , అర్జున్ దాస్ ఈ మూవీ లో కీలక పాత్రలలో నటించారు. ఎస్ ఎస్ తమన్ సంగీతం అందించిన ఈ మూవీ ని డి వి వి దానయ్య నిర్మించాడు. ఈ సినిమాను సెప్టెంబర్ 25 వ తేదీన ప్రపంచ వ్యాప్తంగా విడుదల చేయనున్నారు.

ఇకపోతే సెప్టెంబర్ 25 వ తేదీన అర్థరాత్రి నుండే ఈ సినిమాకు సంబంధించిన షో లను ప్రదర్శించనున్నట్లు మూవీ ఇప్పటికే అధికారికంగా ప్రకటించింది. కానీ ఈ సినిమాకు సంబంధించిన ప్రీమియర్ షో లను 25 వ తేదీన అర్ధరాత్రి నుండి కాకుండా 24 వ తేదీ రాత్రి నుండి ప్రదర్శించడానికి ప్రత్యేక జీవోను తీసుకువచ్చారు. ఓజి సినిమాకు సంబంధించిన ప్రీమియర్ షో లను 24 వ తేదీన రాత్రి 10 నుండే ప్రదర్శించనున్నట్లు ఆంధ్రప్రదేశ్ రాష్ట్రం ఒక ప్రత్యేక జీవోను విడుదల చేసింది. ఈ జీవో ప్రకారం 24 వ తేదీ రాత్రి 10 గంటలకు ఓజి సినిమాకి సంబంధించిన షో లు కొన్ని థియేటర్లలో ప్రదర్శించనున్నారు.

ఇలా ఒక జీవోను తీసుకు వచ్చి మరి సినిమా విడుదలకు ముందు రోజు రాత్రి ఓ సినిమాకు సంబంధించిన ప్రీమియర్ షో లను ప్రదర్శించడం ఇది మొదటి సారి అని తెలుస్తుంది. ఏదేమైనా కూడా ప్రస్తుతానికి ఓజి సినిమాపై పవన్ అభిమానులతో పాటు మామూలు ప్రేక్షకుల్లో కూడా భారీ అంచనాలు ఉన్నాయి. మరి ఈ సినిమా ఏ స్థాయి విజయాన్ని అందుకుంటున్న చూడాలి. ఈ మూవీ కి గనుక మంచి టాక్ వచ్చినట్లయితే ఈ సినిమా అదిరిపోయే రేంజ్ కలెక్షన్లను వసూలు చేసే అవకాశాలు చాలా వరకు ఉన్నాయి అని అనేక మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

pawan

Pulgam Srinivas

23/09/2025 08:38 AM