కాంగ్రెస్ పార్టీ విషయానికి వస్తే రాష్ట్ర విభజన తర్వాత ఏపీలో భారీగా ఎఫెక్ట్ పడింది. ఒక్కసారిగా ఏపీలో జీరో పరిస్థితి మొదలయ్యింది. మళ్లీ పుంజుకోవాలని షర్మిలని తీసుకురావడం జరిగింది. గత ఎన్నికలలో 0.5% శాతం మాత్రం ఓటు పుంజుకునట్లు తెలుస్తోంది. కాంగ్రెస్ పార్టీలో ముఖ్యంగా నాయకుల మధ్య ఎలాంటి సఖ్యత కూడా కనిపించడం లేదు. షర్మిల మాత్రం బలమైన నాయకురాలిగా ఎదగాలని ప్రయత్నాలు చేస్తూ ఉన్న ఎదగలేకపోతోంది. నాయకులను దగ్గరికి చేర్చుకోవడంలో విఫలమయ్యిందనే విధంగా వార్తలు వినిపిస్తున్నాయి. మరి ఈ ఏడాదైనా తన సొంత అజెండాతో ప్రభుత్వాలను ప్రశ్నించి, సీనియర్ నేతలను దగ్గరకి తీసుకుంటుందేమో చూడాలి మరి.
ఆంధ్రప్రదేశ్లో బిజెపి పార్టీ విషయానికి వస్తే కూటమిలో బాగానే ప్రాధాన్యత కనిపిస్తోంది. బిజెపి పార్టీ చీఫ్గా ఉన్న పురందేశ్వరి రాజకీయాలకు కొత్తేమీ కాదు.. గతంలో కూడా ఇమే కేంద్రమంత్రిగా పని చేశారు.. బిజెపిలో ఆర్ఎస్ఎస్ నాయకులకు కూడా చాలామంది ఉన్నారు. అందుకే పురందేశ్వరి తనదైన శైలిలో ఎక్కడ ఎలా స్పందించాలి ఏ విషయాలను పరిగణంలోకి తీసుకోవాలని విషయంపై అడుగులు వేస్తూ ఉంటుంది. అలాగే కేంద్రంలోని పెద్దలతో కూడా ఎక్కువగా కలివిడిగానే కనిపిస్తూ ఉంటుంది పురందేశ్వరి. రాజకీయంగా పురందేశ్వరి గ్రాఫ్ పదిలంగానే ఉన్నట్టుగా కనిపిస్తోంది. మరి 2029 పరిస్థితులు ఎలా ఉంటాయో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి