రణబీర్ కపూర్, రష్మిక మందన్న లవ్ ట్రాక్, ఎమోషనల్ సీన్స్, రణబీర్ వాయిస్ మాడ్యులేషన్, మరీ ముఖ్యంగా ఫైట్లు చేయడం, గన్ ఫైట్స్ లో చూపించిన మాస్ యాక్షన్ సీక్వెన్స్ – ఇవన్నీ ఆడియన్స్ ను సీట్స్ నుండి లేచి కేకలు వేయించేలా చేశాయి. దీనికి తోడు బ్యాక్‌గ్రౌండ్ మ్యూజిక్ మన గుండెల్లో గిటార్ మోగించేలా మైండ్ బ్లోయింగ్ ఎఫెక్ట్ ఇచ్చింది. ఈ కారణంగానే అనిమల్ సూపర్ డూపర్ హిట్ అయ్యింది.ఇంత పెద్ద విజయాన్ని సాధించిన తర్వాతే అనిమల్ పార్క్ అనే సీక్వెల్‌పై డైరెక్టర్ సందీప్ రెడ్డి వంగా గ్రీన్ సిగ్నల్ ఇచ్చారు. అభిమానులు మాత్రం ఈ సీక్వెల్ కోసం ఆత్రుతగా ఎదురు చూస్తున్నారు. ఎందుకంటే, మొదటి భాగం ఎక్కడ ముగిసిందో, అక్కడినుంచే కథ ఎలా ముందుకు సాగుతుందో అన్న ఆసక్తి అందరిలోనూ పెరిగిపోతోంది.
తాజాగా రణబీర్ కపూర్ దీని గురించి మాట్లాడుతూ “అనిమల్ పార్క్ కోసం నేనెంతో ఎగ్జైటెడ్‌గా ఉన్నాను. ఈ సినిమా షూటింగ్ 2027లో స్టార్ట్ చేయబోతున్నాం. ప్రస్తుతం మ్యూజిక్, పాటల విషయంలో డైరెక్టర్ సందీప్ గారితో చర్చలు జరుగుతున్నాయి. ఈ సినిమా సెట్స్ లో ఉండటానికి నేను ఎదురుచూస్తున్నా” అని చెప్పుకొచ్చాడు. ఈ కామెంట్ బయటకు రావడంతో అభిమానుల్లో జోరుగా చర్చలు మొదలయ్యాయి. కొందరు – “2027లో షూటింగ్ స్టార్ట్ చేస్తే, ఆ తరువాతే రిలీజ్ అవుతుంది. అంటే కనీసం 2028 వరకు వెయిట్ చేయాల్సిందే” అని బాధపడుతుంటే, మరికొందరు – “అప్పటికి సందీప్ రెడ్డి వంగా ప్రస్తుత ప్రాజెక్ట్స్ అన్నీ పూర్తి చేసి, పూర్తి ఫోకస్ తో అనిమల్ పార్క్ చేయబోతున్నారు. కాబట్టి ఈ సినిమా ఎక్స్‌పెక్టేషన్స్ రెట్టింపు అవుతాయి” అని సంతోషం వ్యక్తం చేస్తున్నారు.
ఇక తెలుగు రాష్ట్రాల్లో కూడా ఈ సినిమా మీద ప్రత్యేక క్రేజ్ ఉంది. కారణం ఏమిటంటే, సందీప్ రెడ్డి వంగా మన తెలుగు దర్శకుడు కావడంతో పాటు, ఆయన సినిమాల్లో కనిపించే నేటివ్ ఇంటెన్సిటీ, రా ఎమోషన్ బాగా కనెక్ట్ అవుతుంది. దీంతో ప్రభాస్ స్పిరిట్ అభిమానులు కూడా ఆయనతో ఉన్న బంధం కారణంగా ఈ ప్రాజెక్ట్ కోసం ఎదురుచూస్తున్నారు.
మొత్తానికి రణబీర్ కపూర్ ఇచ్చిన ఈ అప్డేట్, సందీప్ రెడ్డి వంగా అభిమానులను మాత్రమే కాదు, అనిమల్ మూవీ లవర్స్ అందరినీ ఎగ్జైట్ చేసింది. 2027లో సెట్స్ మీదకి వెళ్లబోతున్న అనిమల్ పార్క్ సినిమా గురించి ఇప్పటినుంచే భారీ అంచనాలు మొదలయ్యాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి