దేవదాయ శాఖలో ఎలాంటి అవినీతికి ఆస్కారం లేకుండా చర్యలు తీసుకుంటున్నాం అని చెప్పారు. సీసీ కెమెరాలు రాబోయే రెండు నెలల్లో 100 శాతం ఫిక్స్ చేస్తాం అని అన్నారు. ప్రతి ఆలయంలో గోశాల ను ఏర్పాటు చేస్తామని మంత్రి స్పష్టం చేసారు. హిందువుల మనోభావాలకు తగ్గట్టుగా అనేక కార్యక్రమాలు చేపడుతున్నాం అని అన్నారు. గత ప్రభుత్వం కూల్చివేసిన 9 ఆలయాలు ప్రారంభోత్సవానికి సిద్ధంగా ఉన్నాయన్న మంత్రి గతంలో ఏ ముఖ్యమంత్రి కూడా దేవాదాయ శాఖపై కనీసం పూర్తి స్థాయి రివ్యూ చేయలేదు అని పేర్కొన్నారు.
ఇక దేవాదాయ శాఖా ముఖ్య కార్యదర్శి వాణీ మోహన్ కూడా మీడియాతో మాట్లాడారు. భక్తులు కేంద్రంగా ఆలయాలు అభివృద్ధి చేస్తాం అని అన్నారు. దేవాలయాలు,దేవతా మూర్తుల ప్రాశస్త్యం వివరించేలా చర్యలు తీసుకుంటామని వివరించారు. ఆలయాల్లో సెక్యూరిటీ బలోపేతంపై దృష్టి పెట్టాం అని పేర్కొన్నారు. 175 ఆలయాల్లో ఆన్ లైన్ సేవలు నిర్వహించేలా చర్యలు తీసుకుంటున్నట్టు చెప్పారు. డోనేషన్లు నేరుగా టెంపుల్ ఖాతాలోకి వెళ్లేలా చర్యలు తీసుకున్నామని పేర్కొన్నారు. ధర్మ పదం కార్యక్రమం విజయవంతంగా చేపడుతున్నాంఅని స్పష్టం చేసారు. ప్రతి ఆలయంలో ఆభరణాల వివరాలు డిజిటలైజ్ చేస్తున్నాం అని పేర్కొన్నారు. కాగా ఏపీలో విపక్షాల విమర్శలకు అవకాశం ఇవ్వకుండా రాష్ట్ర ప్రభుత్వం చర్యలకు దిగుతుంది.