హైద‌రాబాద్ న‌గ‌రంలో ఐటీ రంగం భారీ స్థాయిలో అభివృద్ధి చెందుతున్న క్ర‌మంలో వివిధ ప్రాంతాల‌కు చెందిన యువ‌త ఉపాధి కోసం ఇక్క‌డికి భారీ సంఖ్య‌లో త‌ర‌లివ‌చ్చారు. వీరిలో ప‌లు రాష్ట్రాల‌కు చెందిన‌వారు మాత్రమే కాదు.. విదేశాల‌కు చెందిన వారు కూడా ఉన్నారు. ఈ నేప‌థ్యంలోనే అప్ప‌టిదాకా ప‌బ్ క‌ల్చ‌ర్ అంటే తెలియ‌ని న‌గ‌రానికి ఈ సంస్కృతి అల‌వాటైంది. ఆధునిక‌త‌కు ఇదో సింబ‌ల్‌గా భావించే యువ‌త కూడా పెరిగింది. గ్రామీణ ప్రాంతం నుంచి వచ్చిన యువ‌త కూడా నెమ్మ‌దిగా ఈ క‌ల్చ‌ర్‌కు అల‌వాటు ప‌డుతున్నారు. ఇందులో యువ‌తీ యువ‌కుల వ్య‌త్యాసం ఉండ‌టం లేదు. ప‌బ్‌ల్లో ప‌లు వివాదాలు త‌లెత్త‌డం, అవి కేసుల వరకు దారితీయ‌డం కూడా జ‌రుగుతోంది. మ‌రోప‌క్క డ్ర‌గ్స్ కేసులు కూడా పెరుగుతుండ‌టం, వీరిలో ప‌లువురి సెల‌బ్రిటీల పేర్లు బ‌య‌ట‌కురావ‌డం, ఈ అంశంపై ద‌ర్యాప్తు కొన‌సాగుతున్న విష‌యం తెలిసిందే. ప‌బ్‌ల నిర్వ‌హ‌ణ‌లో ప‌లువురు సెల‌బ్రిటీలు కూడా ఉన్న‌ట్టు గ‌తంలో వార్తలు కూడా వ‌చ్చాయి.
