మెగాస్టార్. ఈ నాలుగు అక్షరాలు. టాలీవుడ్ అన్న మరో నాలుగు అక్షరాలకు ధీటు అయినవి. చిరంజీవిగా ఎంట్రీ ఇచ్చి సినిమా ఫీల్డ్ తో తనకంటూ ప్రత్యేకతను సంపాదించుకుని ఎవరికీ అందనంత ఎత్తులకు ఎదిగిన గ్రేట్ నెస్ చిరుకే సొంతం. ఆయనే ఒక సినీ విశ్వ విద్యాలయం అని అనుకున్నా తప్పు లేదు.అతిశయోక్తి అంతకంటే లేదు.

నిజానికి చిరంజీవి సినీ జీవితం అంత సులువుగా పట్టాలెక్కలేదు. ఎన్నో ఆటుపోట్లు ఓర్చి మరీ ఆయన హీరోగా ఒక్కో మెట్టూ ఎదిగారు. ఆయన వారసులకు మాత్రం అవన్నీ సోపానాలుగా మారాయి. తాజాగా ఆయన రెండవ మేనల్లుడు వైష్ణవ్ తేజ్ నటించిన ఉప్పెన మూవీ అయితే రిలీజ్ అయి బ్లాక్ బస్టర్ హిట్ అయింది. ఈ మూవీలో అంతా కొత్త వారే ఉన్నప్పటికీ మూవీ మాత్రం అదుర్స్ అన్నట్లుగా కలెక్షన్లు కొల్లగొడుతోంది.

రిలీజ్ అయి ఇప్పటికి పదిహేను రోజులు దగ్గరపడుతున్నా కూడా ఈ మూవీ కలెక్షన్లు అలా స్ట్రాంగ్ గానే ఉండడం విశేషం. ఒక అధ్బుతమైన ప్రేమ కధను సెల్యూలాయిడ్ మీద పండిస్తే వచ్చే రిజల్ట్ ఇలాగే ఉంటుందని డైరెక్టర్ సానా బుచ్చిబాబు రుజువు చేశాడు. ఇక కొత్త వారు అయినప్పటికీ హీరో హీరోయిన్లను కరెక్ట్ గా వాడుకుంటే వారి టాలెంట్ ఎలా వెండి తెర మీద వికసిస్తుందో కూడా చెప్పిన సినిమా ఉప్పెన.

ఈ మూవీలో సాంగ్స్ బాగున్నాయి. కెమెరా పనితనం సూపర్ అంటున్నారు. నిర్మాణత విషయంలో ఎక్కడా రాజీపడకుండా మైత్రీ మూవీ మేకర్స్ బాగా తీశారు. అందుకే ఈ మూవీ సంచలన విజయం సాధిస్తోంది అంటున్నారు. ఈ సినిమాను 20 కోట్లతో నిర్మిస్తే యాభై కోట్ల పైగా వసూళ్ళు సాధిస్తోందిట. అదే కనుక జరిగితే మెగా మేనల్లుడి కొత్త రికార్డ్ ని క్రియేట్ చేసి పెట్టినట్లే అంటున్నారు. తొలి సినిమా తో ఎవరూ ఇంతలా కలెక్షన్లు కొల్లగొట్టలేదు అంటున్నారు. మొత్తానికి ఈ మూవీతో మెగా కాంపౌండ్ లో మరో గర్వకారణమైన రికార్డు వచ్చి చేరుతోంది అన్న మాట.



మరింత సమాచారం తెలుసుకోండి:

uppena chiranjeevi jeevitha rajaseskhar prema love blockbuster hit director hero silver silver screen vaishnav tej adhurs

Satya

24/02/2021 11:00 AM