దీంతో దక్షిణ భారతదేశ ప్రజలపై మోదీ సారుకు కోపం వచ్చినట్లు ఉంది. ప్రాజెక్టుల కేటాయింపులో కానీ... నిధుల కేటాయింపులో కానీ వివక్ష చూపుతూనే ఉన్నారు. ప్రధానంగా రైల్వే లైన్ల విస్తరణ, కొత్త రైళ్ల కేటాయింపు అంశం వివక్ష స్పష్టంగా కనిపిస్తోంది. ప్రస్తుతం రైళ్ల వేగాన్ని 180 కిలోమీటర్ల వేగానికి పెంచేసింది భారతీయ రైల్వే. ఇందుకోసం వందే భారత్ ఎక్స్‌ప్రెస్ పేరుతో ప్రత్యేక రైళ్లు కూడా నిర్మించింది. వీటిని ఇప్పటికే ఉత్తరప్రదేశ్ రాష్ట్రంలో నడుపుతోంది. అలాగే రద్దీ ఉన్న మార్గాల్లో ఈ రైళ్లు నడపడం వల్ల ప్రయాణ సమయం తగ్గుతుందని కూడా అట్టహాసంగా ప్రకటించింది. దీంతో దక్షిణ మధ్య రైల్వే నుంచి 3 ప్రధాన మార్గాల్లో రైళ్లు నడిపేందుకు ప్రతిపాదనలు పంపారు అధికారులు, సికింద్రాబాద్ - విజయవాడ- సికింద్రాబాద్, చెన్నై - విజయవాడ - చెన్నై, విజయవాడ - విశాఖపట్నం - విజయవాడ మార్గాల్లో వందే భారత్ రైళ్లు నడపాలని అధికారులు సూచించారు. సమయం ఆదాతో పాటు ఆదాయం కూడా గణనీయంగా వస్తుందని సూచించారు. కానీ కేంద్రం మాత్రం... ఇప్పటి వరకు గ్రీన్ సిగ్నల్ ఇవ్వలేదు. పైగా ఉత్తర భారతానికే మరిన్ని రైళ్లు కేటాయించేలా కనిపిస్తోంది.
