పడుకున్న తర్వాత కలల ప్రపంచం విభిన్నంగా మారుతుంది. కలలు మనల్ని వేరే ఊహా ప్రపంచానికి తీసుకెళ్లాయి. ఆ కలల్లో మంచి, చెడు రెండూ ఉంటాయి. నిద్రపోతున్నప్పుడు వచ్చే కొన్ని కలలు మనసుకు ఆహ్లాదకరంగా ఉంటే మరికొన్ని భయాన్ని కలిగిస్తాయి. అయితే ఈ కలల్లో భవిష్యత్తులో జరిగే కొన్ని సంఘటనల సంకేతాలు కూడా దాగి ఉంటాయి. కలల గురించి, అవి దేనికి సంకేతాలన్నా విషయాలు గురించి వివరంగా తెలుసుకుందాం. అంతేకాదు ఎలాంటి కలలు వస్తే మంచిది, ఎలాంటి కల కంటే చెడు సూచన అనేవి కూడా తెలుసుకుందాం.

మంచి కల సంకేతాలు
కలలో ఎక్కడో డ్యాన్స్ చేస్తూ, పాడుతూ కనిపిస్తే అది సంతోషకరమైన వైవాహిక జీవితానికి సంకేతం. అవివాహితులైన వారికి త్వరలో వివాహం జరుగుతుంది.
కలలో ఎంబ్రాయిడరీ బట్టలు మొదలైన వాటిని చూస్తే జీవిత భాగస్వామి కోరిక త్వరలో నెరవేరుతుందని నమ్మండి. ఈ కల యువకుడికి వస్తే అతను అందమైన, సున్నితమైన భార్యను పొందుతాడు. అమ్మాయికి వస్తే ఆమెకు తగిన వరుడు లభిస్తాడు.
కలలో ఆకాశంలో ఇంద్రధనస్సు కనిపిస్తే, సంతోషకరమైన వివాహం లేదా ప్రేమ సంబంధం కోసం కోరుకున్న కోరికలు నెరవేరుతాయి. ఇంద్రధనస్సును చూసినప్పుడు ఆనందం, అదృష్టం కూడా కలుగుతాయి.

చెడు కల సంకేతాలు
కలలో వజ్రం ధరించినట్లు లేదా వజ్రాలు పొదిగిన ఏదైనా ఆభరణాన్ని బహుమతిగా పొందినట్లు కనిపిస్తే ఈ కల మీ వైవాహిక జీవితానికి శుభప్రదం కాదు.
అదే విధంగా కలలో ఏదైనా విలువైన ఆభరణాలను పోగొట్టుకుంటే వైవాహిక జీవితానికి మంచిది కాదు. అలాంటి కల సంతోషకరమైన వివాహ జీవితంలో కొన్ని అశుభకరమైన వార్తలను పొందే సంకేతం.
కలలో పూజారి, పాస్టర్ లేదా మతాధికారిని చూస్తే, అలాంటి కల మీ వైవాహిక జీవితంలో కొన్ని చేదు వార్తలను సూచిస్తుంది. ఇటువంటి కలలు వైవాహిక జీవితంలో విడిపోవడాన్ని సూచిస్తాయి. కొన్ని పెద్ద అపార్థాల కారణంగా జీవిత భాగస్వామి నుండి దూరాన్ని సూచిస్తాయి.

మరింత సమాచారం తెలుసుకోండి:

Dreams

Vimalatha

12/11/2021 07:00 PM