ఇక ఇండియన్ బిలియనీర్ గౌతమ్ అదానీ పోర్ట్స్-టు-పవర్ గ్రూప్ ఇప్పటికే ఉన్న, కొత్త వ్యాపారాలలో చాలా దూకుడుగా పెట్టుబడి పెడుతోంది.ఇంకా ప్రధానంగా రుణాలు తీసుకొచ్చి మరీ నిధులు సమకూరుస్తోందని Fitch గ్రూప్ యూనిట్ క్రెడిట్ సైట్స్ ఒక నివేదికలో తెలిపింది. అదానీ నేతృత్వంలోని అదానీ గ్రూప్ అనుతన సామ్రాజ్యాన్ని విస్తరించడంతో ప్రదర్శిస్తున్న దూకుడు, దాని క్రెడిట్ కొలమానాలు ఇంకా అలాగే క్యాష్ ఫ్లో పై ఒత్తిడికి కారణమవుతున్నాయని క్రెడిట్‌ సైట్స్ మంగళవారం నాడు నివేదికలో పేర్కొంది. ఒకవేళ ఇదే కనుక కొనసాగితే మాత్రం.. పరిస్థితి ఖచ్చితంగా చేజారిపోయి మున్ముందు ఇది అప్పుల ఊబిలో కూరుకుపోయే అవకాశం కూడా ఉందని తెలిపింది.అయితే ఈ నివేదికపై స్పందనని కోరగా.. అదానీ గ్రూప్ ప్రతినిధి స్పందించలేదని క్రెడిట్ సైట్స్ వెల్లడించింది. ఇక మొత్తం ఏడు లిస్టెడ్ అదానీ సంస్థలు మంగళవారం నాడు ట్రేడింగ్‌లో 2% నుంచి 7% వరకు కూడా పడిపోయాయి. 


విమానాశ్రయాలు, డేటా సెంటర్లు, సిమెంట్‌, గ్రీన్ ఎనర్జీ, ఓడరేవులు ఇంకా అలాగే బొగ్గు తవ్వకాల వరకూ తన సామ్రాజ్యాన్ని విస్తరింపజేస్తున్న అదానీకి కొన్ని సంవత్సరాల తర్వాత క్రెడిట్‌ సైట్స్ నివేదిక వచ్చింది. ఈ బృందం ఇటీవల $70 బిలియన్లను పునరుత్పాదక ప్రాజెక్టులలో పెడతామని కూడా వెల్లడించింది. ఇక ఈ అంశాలన్నీ భారతదేశంలో అదానీ స్థాయిని పెంచడమే కాకుండా, ఇంకా ఆయన సంపద ఈ సంవత్సరం $135 బిలియన్లకు పైగా పెరగడానికి కూడా బాగా దోహదపడ్డాయి. ఈ క్రెడిట్‌ సైట్స్ విశ్లేషకులు మరో మాట కూడా చెబుతున్నారు. బ్యాంకులతో గ్రూప్‌నకు ఉన్న బలమైన సంబంధాలు.. ఇంకా అలాగే భారత ప్రధాని నరేంద్ర మోదీ ప్రభుత్వం కారణంగా కాస్తంత ఆయన ఊరట అనేది కూడా పొందుతున్నారని వెల్లడించారు.ఇక అదానీ గ్రూప్ కొత్త, సంబంధం లేని వ్యాపారాలలోకి ప్రవేశిస్తోంది. ఇవి అధిక మూలధనాన్ని కలిగి ఉండటంతో పాటు ఇంకా అమలు, పర్యవేక్షణకు సంబంధించిన ఇబ్బందులున్న వ్యాపారాల్లోకి కూడా అడుగు పెడుతోంది.

మరింత సమాచారం తెలుసుకోండి:

ADANI STOCKS

Purushottham Vinay

23/08/2022 09:17 PM