వెరసి నేటి రోజుల్లో వెలుగులోకి వస్తున్న ఘటనలు చూసిన తర్వాత ఎప్పుడు ఎవరి నుండి ముప్పు ముంచుకు వస్తుందో అని అందరూ భయపడే పరిస్థితి ఉంది అని చెప్పాలి. అంతే కాకుండా సొంత వారిని కూడా గుడ్డిగా నమ్మే పరిస్థితి నేటి రోజుల్లో కనిపించడం లేదు అని చెప్పాలి. ఇక చిన్న చిన్న కారణాలకే ఏకంగా సాటి మనుషుల ప్రాణాలు తీసేస్తున్న తీరు సభ్య సమాజంలో ప్రతి ఒక్కరిని కూడా భయాందోళనకు గురి చేస్తూ ఉంది. ఇక ఇక్కడ వెలుగులోకి వచ్చిన ఘటన అయితే ఏకంగా ముక్కున వేలేసుకునేలా చేస్తుంది అని చెప్పాలి.
ఏకంగా పెళ్లిలో తినడానికి ప్లేట్స్ ఇవ్వలేదు అనే కారణాలతో ఒక వ్యక్తిని చంపేశారు. ఈ ఘటన దేశ రాజధాని ఢిల్లీలో వెలుగులోకి వచ్చింది. ప్రశాంత్ విహార్ లో ఓ పెళ్లి వేడుకకు హాజరైన మ్యూజిక్ బ్యాండ్ సిబ్బంది భోజనానికి వెళ్లారు. ఈ క్రమంలోనే ప్లేట్స్ ఇవ్వాలి అంటూ కేటరింగ్ సిబ్బందిని అడిగారు. అయితే కేటరింగ్ సిబ్బందిలో ఒకడైన సందీప్ సింగ్ ప్లేట్లు కడుగుతున్నామని.. కాస్త టైం పడుతుందని చెప్పడంతో ఇక మ్యూజిక్ బ్యాండ్ సిబ్బంది అతనిపై దాడికి దిగారు. ఈ క్రమంలోనే తీవ్రంగా గాయపడిన సందీప్ మృతి చెందాడు. అయితే ఇప్పటికే ఇద్దరు నిందితులను అరెస్ట్ చేసిన పోలీసులు పరారీలో ఉన్న మరో ఇద్దరి కోసం గాలింపు చర్యలు చేపట్టారు.
