మెగాస్టార్ చిరంజీవి సాధారణంగానే సోషల్ మీడియాలో యాక్టివ్గా ఉంటారు. సెటైర్లు, పంచ్లే కాకుండా.. మంచి ఎక్కడున్నా, గొప్ప పని ఎవరు చేసినా ముందుగా ప్రశంసిస్తుంటారు. తనకు తెలిసిన ప్రతి మంచి పనినీ అభిమానులతో పంచుకుంటుంటారు. ఏపీకి చెందిన శ్యాంసుందర్, ప్రశాంతిల విషయం తెలిసి వారి ఫొటోను కూడా తన సోషల్ మీడియా ఖాతాలో షేర్ చేశారు.
అంతేకాదు ఆ ఫోటోకు ‘ఈ ఫోటోలో ఉంది తండ్రి-కూతురు.. తండ్రి సీఐ శ్యాం సుందర్ గారు.. కూతురు డీఎస్పీ జెస్సీ ప్రశాంతి.. తన గుండెలమీద ఎత్తుకుని పెంచిన బిడ్డ,తనపై అధికారిగా వచ్చినప్పుడు ఆ తండ్రి చేసిన సెల్యూట్లో బోల్డంత సంతృప్తిని,గర్వాన్ని,ప్రేమని చూసాను. శ్యాం సుందర్ గారు.. నేను మీకు సెల్యూట్ చేస్తున్నాను...మీ ఇద్దరు ఇంకెందరికో స్ఫూర్తి’ అంటూ ఎమోషనల్ మెసేజ్ షేర్ చేశారు.
ఇదిలా ఉంటే చిరంజీవి ఇంతకు ముందు కూడా ఇలాంటి అనేక విషయాలను తన సోషల్ మీడియాలో షేర్ చేశారు. విధి నిర్వహణకు ఎంతో నిబద్ధతతో నిర్వహించే మరికొందరి గురించీ గతంలో సోషల్ మీడియాలో షేర్ చేశారు. ఓ పోస్ట్ మ్యాన్, ఓ లేడీ పోలీస్ ఆఫీసర్ ఇలాం మరెంతో మందిని అభినందిస్తూ ఆయన మెసేజ్లు షేర్ చేశారు. ఆయన షేర్ చేసిన ప్రతి పోస్ట్ విపరీతంగా వైరల్ అయ్యాయి. మరి ఇప్పుడు ఈ పోలీసు తండ్రి, కూతుళ్ల ఫొటోలను కూడా చిరంజీవి షేర్ చేయడంతో సోషల్ మీడియాలో ఈ ఫోటో విపరీతంగా ట్రెండ్ అవుతోంది.