కానీ ఆఫర్లను కూడా ఎంతో సున్నితంగా తిరస్కరిస్తూ వచ్చారు శోభన్ బాబు. అయితే పవన్ కళ్యాణ్, శోభన్ బాబు కాంబినేషన్ లో ఒక సినిమా రావాల్సి ఉందట. కానీ వీరి కాంబినేషన్ క్యాన్సిల్ అయింది. పవన్ కళ్యాణ్ హీరోగా డైరెక్టర్ భీమిలి శ్రీనివాస్ దర్శకత్వంలో ఇచ్చిన చిత్రం సుస్వాగతం. ఈ సినిమా ఎంతోమంది ఫ్యామిలీ ఆడియన్స్ కు పవన్ కళ్యాణ్ ని దగ్గర చేసింది. ఈ సినిమాలో పవన్ కళ్యాణ్ తండ్రి పాత్ర ఎంతో కీలకమైనది అని చెప్పాలి. ఈ పాత్రలో ప్రముఖ నటుడు రఘువరన్ నటించి ప్రేక్షకులను మెప్పించాడు. అయితే వాస్తవానికి ఈ పాత్రను రఘువరన్ పోషించాల్సినది కాదట.
ముందుగా ఈ పాత్ర కోసం దర్శకుడు శోభన్ బాబు ను అడిగారట. కానీ అప్పటికే వయసు మీద పడిన నేపథ్యంలో సినిమాలకు గుడ్ బై చెప్పేసి శోభన్బాబు తాను నటించలేను అంటూ దర్శకనిర్మాతలకు చెప్పేశారట. తనను ప్రేక్షకులు ఎప్పుడూ సోగ్గాడి గా అందంగా ఉండే శోభన్బాబు గానే గుర్తుపెట్టుకోవాలని వయసు మీద పడిన తర్వాత సినిమాలకు గుడ్ పై చెప్పాలని నిర్ణయం తీసుకున్నాను అంటూ ఆ దర్శక నిర్మాతలకు ఖరాఖండీగా చెప్పేశాడట శోభన్ బాబు. శోభన్బాబు రిజక్ట్ చేయడంతో చివరికి ఆ పాత్ర రఘువరన్ దగ్గరికి వెళ్లిందట. ఈ పాత్రలో రఘువరన్ ఎంతో ఒదిగిపోయి నటించి ప్రేక్షకులను మెప్పించారో ప్రత్యేకంగా చెప్పాల్సిన పనిలేదు.