ఇప్పుడు ఈ సినిమా 16వ ఏషియన్ ఫిలిం అవార్డ్స్ లో ఏకంగా ఆరు నామినేషన్లు పొందడం గమనార్హం. ఈ విషయాన్ని ప్రొడక్షన్ హౌస్ అధికారికంగా ప్రకటించింది. ఉత్తమ ఎడిటింగ్.. ఉత్తమ ప్రొడక్షన్ డిజైన్.. ఉత్తమ చిత్రం.. ఉత్తమ ఒరిజినల్ సంగీతం.. ఉత్తమ ఛాయాగ్రహణం మరియు ఉత్తమ కాస్టింగ్ డిజైన్ విభాగాల్లో నామినేషన్ దక్కించుకుంది. ఐశ్వర్యారాయ్, త్రిష , చియాన్ విక్రమ్ , కార్తీ, జయం రవి వంటి భారీ తారాగణంతో రూపొందిన ఈ సినిమాకి ఇలా ఆరు విభాగాలలో కనీసం మూడు అవార్డులైన లభించే అవకాశం కనిపిస్తోంది.
మొదటి పార్ట్ గత ఏడాది సెప్టెంబర్ లో విడుదలవగా ఇప్పుడు రెండవ పార్ట్ ను ఏప్రిల్ 28న ప్రేక్షకుల ముందుకు తీసుకురానున్నారు. మొదటి పాటతో పోల్చితే రెండవ పార్ట్ అంతకుమించి వసూలు నమోదు చేసే అవకాశాలు ఉన్నాయి అంటూ యూనిట్ సభ్యులు ధీమా వ్యక్తం చేస్తున్నారు. మరి ఈ సినిమా పాన్ ఇండియా రేంజ్ లో ప్రేక్షకులను ఆకట్టుకోవడం ఖాయం అంటూ కూడా వార్తలు వినిపిస్తున్నాయి. మొత్తానికి అయితే సౌత్ ఇండియన్ మూవీకి ఇలాంటి అరుదైన గౌరవం దక్కడం నిజంగా ప్రశంసనీయమని చెప్పవచ్చు.
