దేశంలో కరోనా కేసులు ఎంత బీభత్సంగా పెరిగిపోతున్నాయో అందరికీ తెలిసిందే. లాక్ డౌన్ పాటించినా.. భద్రత చర్యలు తీసుకున్నా ప్రతిరోజూ వందల సంఖ్యలో కేసులు పెరిగిపోతున్నాయి. దేశంలో కేసుల సంఖ్య పెరిగినా రికవరీ కూడా అదే స్థాయిలో ఉండటం కొంత ఉపశమనం కలిగిస్తుంది. భారత్ లో కరోనా కేసుల సంఖ్య ఇప్పటివరకు మొత్తం 5,08,953కి చేరగా, మృతుల సంఖ్య మొత్తం 15,685కి పెరిగింది. 1,97,387 మందికి ఆసుపత్రుల్లో చికిత్స అందుతోంది. దేశంలో కరోనా నుంచి ఇప్పటివరకు 2,95,881 మంది కోలుకున్నారు. ఇక హర్యానాలో కరోనా రోగుల సంఖ్య 13007 కు పెరిగింది. శనివారం కొత్తగా 123 మందికి కరోనా నిర్ధారణ అయింది. కొత్తగా ఒక రోగి మరణించారు. దీంతో కరోనా కారణంగా ఇప్పటివరకు రాష్ట్రంలో మొత్తం 212 మంది రోగులు మరణించారు.
శనివారం రాష్ట్రంలో 62 మంది రోగులు కోలుకోవడంతో ఇప్పటివరకు 8078 మంది రోగులు డిశ్చార్జ్ అయ్యారు. ప్రస్తుతం 4717 క్రియాశీల కేసులు ఉన్నాయి. కొత్తగా రోహ్‌తక్‌లో 20, పానిపట్‌లో 14, నుహ్‌లో 10, జజ్జర్‌లో 8, పంచకులాలో 3, యమునానగర్‌లో ముగ్గురు పాజిటివ్ రోగులు ఉన్నారు. అయితే రోహ్‌తక్‌లో 57 మంది, నుహ్‌లో 4, జాజ్జర్‌లో 1 మందిని డిశ్చార్జ్ చేశారు. శనివారం, గుర్గావ్ లో 65 మందికి కరోనా ఉన్నట్టు తేలింది. దాంతో ఇక్కడ మొత్తం రోగుల సంఖ్య 5009కి చేరుకుంది.
ఇప్పటివరకు 2,44,534 నమూనాలను పరీక్ష కోసం పంపగా, అందులో 2,25,931 నివేదికలు ప్రతికూలంగా రాగా, 13007 నివేదికలు పాజిటివ్ వచ్చాయి. వీరిలో 8844 మంది పురుషులు, 4161 మంది మహిళలు, ఇతరులు ఇద్దరు ఉన్నారు. ఇక రికవరీ రేటు 62.11 శాతానికి చేరుకుంది. మొదటి నుంచి ఇక్కడ కరోనా విషయంపై పూర్తి అవగాహన ఏర్పాటు చేశామని.. కట్టుదిట్టమైన చర్యలు తీసుకుంటూ ఆరోగ్యం పట్ల అందరికీ అవగాహన వచ్చేలా చేశామని అన్నారు.
