ఏపీ లోని పలు జిల్లాల్లో భారీ వర్షాలు పడే అవకాశం ఉందని వాతావరణ శాఖ అధికారులు తెలిపారు.ఎన్టీఆర్, నెల్లూరు, వైఎస్సార్ జిల్లాల్లో పిడుగులు పడే అవకాశం ఉందని వెల్లడించింది.ఎన్టీఆర్ జిల్లాలోని గంపలగూడెం, తిరువూరు, ఎ.కొండూరు, విస్సన్నపేట, నందిగామ, పెనుగ్రంచిప్రోలు, వీరుల్లపాడు ప్రాంతాల్లో భారీ వర్షాలు..అలాగే పలు చొట్ల పిడుగులు పడే అవకాశాలు ఎక్కువగా ఉన్నాయి. అదే విధంగా నెల్లూరు జిల్లాల్లొని నెల్లూరు జిల్లాలోని ఉదయగిరి, మర్రిపాడు.. వైఎస్సార్ జిల్లాలోని గోపవరం మండలాలు, పరిసర ప్రాంతాల్లో పిడుగులు పడతాయని హెచ్చరించింది. ఆ ప్రాంతంలోని పొలాల్లో పనిచేసే రైతులు, వ్యవసాయ కులీలు, పశు-గొర్రెల కాపరులు చెట్ల క్రింద, బహిరంగ ప్రదేశాల్లో ఉండవద్దని సూచించింది.
ప్రభుత్వం సూచించిన వసతి గృహలలో ప్రజలు సురక్షితంగా వుండాలని విజ్ఞప్తి చేస్తున్నారు.దక్షిణ అండమాన్ సముద్రం పరిసర ప్రాంతాల్లో అల్పపీడనం ఏర్పడిందని.. అది క్రమంగా వాయువ్య దిశగా కదులుతూ రానున్న 48 గంటల్లో వాయుగుండంగా మారే అవకాశం ఉందని చెప్పింది. దీని ప్రభావంతో రాగల రెండు రోజుల పాటు తమిళనాడు, కోస్తాంధ్ర, రాయలసీమ జిల్లాల్లో మోస్తరు వర్షాలు పడే అవకాశం ఉందని తెలిపింది. మరోవైపు తిరువూరు మండలం ఆంజనేయపురం గ్రామంలో పిడుగుల ధాటికి 2 తాడి చెట్లు కాలిపొయాయి..అందుకు ప్రజలు సురక్షిత ప్రాంతాలలో ఉంటూ తమని తాము రక్షించుకొవాలని హెచ్చరించారు..