తాజాగా తెలుస్తున్న సమాచారం ప్రకారం యు ట్యూబర్ హర్ష సాయి కూడా జనసేన లో జాయిన్ అవుతున్నారట. సోషల్ మీడియా తో టచ్ ఉన్న ప్రతి ఒక్కరికే పరిచయం అస్సలు అవసరం లేని వ్యక్తి హర్ష సాయి. హర్ష యు ట్యూబ్ లో వీడియోల ద్వారా వచ్చిన డబ్బును అవసరం లో ఉన్న పేదల చిన్న చిన్న కోరికలు తీర్చడం అన్న మంచి కాన్సెప్ట్ తో చాలా మందికి చేరువ అయ్యాడు. కానీ ఇలా హర్ష చేస్తున్న సహాయంలో కూడా చెడును వెతుకుతున్నారు కొందరు. ఇప్పటికే మంచి పనులు వలన తనకంటూ ఒక ఇమేజ్ ప్రజలలో ఏర్పడింది. ఇప్పుడు జనసేనలోకి కనుక చేరితే అది ఖచ్చితంగా పవన్ కు ప్లస్ అయ్యే అవకాశాలు ఉన్నాయి.
ఎందుకంటే పవన్ కోసం ఒక్క వీడియో చేసి యు ట్యూబ్ లో పెడితే చాలు మిలియన్స్ లో వ్యూస్ వస్తాయి. ఇది పరోక్ష ప్రచారానికి బాగా ఉపయోగపడుతుంది. అయితే సోషల్ మీడియాలో ఈ విషయం గురించి వార్తలు ప్రచారం అవుతున్నా ... హర్ష సాయి ఇంకా దీనిపైన స్పందించలేదు. మరి ఇది గాలి వార్తా లేదా నిజమైనదా తెలియాలంటే హర్ష సాయి రెస్పాండ్ అయ్యే వరకు ఆగాల్సిందే. ఒకవేళ ఇది నిజమే అయితే ఎంతవరకు పార్టీకి ప్లస్ అవుతుందో చూడాలి.
