గత 2020 ఫిబ్రవరి నెల నుండి జోకొవిచ్ వరల్డ్ నంబర్ వన్ ర్యాంక్ లో కొనసాగుతూ వచ్చాడు. కానీ ఇక ఈ ర్యాంక్ తన పేరిట ఉండేది కేవలం మూడు రోజులే అని తేలిపోయింది. ప్రస్తుతం దుబాయ్ ఓపెన్ జరుగుతున్న విషయం తెలిసిందే. ఇందులో పాల్గొన్న జొకోవిచ్ కనీసం సెమీ ఫైనల్ కు చేరుకున్నా తన నంబర్ వన్ ర్యాంక్ కు ఈ మాత్రం డోకా ఉండేది కాదు. కానీ అనూహ్యంగా నిన్న జరిగిన క్వార్టర్ ఫైనల్ మ్యాచ్ లో జోకోవిచ్ 123 ర్యాంక్ లో ఉన్న చెక్ రిపబ్లిక్ ఆటగాడు జిరి వెస్లి చేతిలో 4-6, 6-7 తేడాతో వరుస సెట్ లలో ఓడిపోయి టోర్నీ నుండి నిష్క్రమించడమే కాకుండా, తన నంబర్ వన్ ర్యాంక్ ను అనధికారికంగా నిన్ననే కోల్పోయాడు.
ఈ ఓటమితో జోకోవిచ్ తన నంబర్ వన్ ర్యాంక్ ను కోల్పోయి రెండవ స్థానానికి పడిపోయాడు. ఈ విషయాన్ని అంతర్జాతీయ టెన్నిస్ సమాఖ్య అధికారికంగా ఫిబ్రవరి 28 సోమవారం ప్రకటించనుంది. అయితే జోకోవిచ్ ఓటమి రష్యా స్టార్ ఆటగాడు డానియల్ మెద్వెదెవ్‌ కు కలిసి వచ్చింది అని చెప్పాలి. సోమవారం నుండి అధికారికంగా మెద్వెదెవ్‌ నంబర్ వన్ ర్యాంక్ ను సొంతం చేసుకోనున్నాడు. ఇది ఒక రికార్డ్ అని చెప్పాలి 18 సంవత్సరాల తర్వాత ఫెదరర్, నాదల్, ముర్రే మరియు జోకోవిచ్ లు కాకుండా 5 వ ఆటగాడు నంబర్ వన్ ర్యాంక్ కు చేరుకోవడం గమనార్హం. మరి మెద్వెదెవ్‌ ఎంతకాలం ఈ నంబర్ వన్ ర్యాంక్ ను నిలబెట్టుకోగలడో చూడాలి.
