కాగా గ్రూప్ 2 నుండి సౌత్ ఆఫ్రికా ఇండియా లు సెమీస్ కు వెళ్లడం పక్కా అని తెలుస్తోంది. ఇక గ్రూప్ 1 లోనే సందిగ్దత నెలకొంది. ఈ రోజు ఇంగ్లాండ్ మరియు కివీస్ ల మధ్య జరిగిన మ్యాచ్ లో కివీస్ గెలిచి ఉంటే సెమీస్ కు అర్హత సాధించి ఉండేది. కానీ ఇంగ్లాండ్ ఈ మ్యాచ్ లో గెలవడం వలన రేస్ లో ఈ రెండు జట్లతో పాటుగా ఆస్ట్రేలియా మరియు శ్రీలంకలు కూడా సజీవంగా ఉన్నాయి. ఈ నాలుగు జట్లు పాయింట్ల పట్టికలో వరుసగా నాలుగు మ్యాచ్ లు ఆడి రెండు గెలిచి ఉన్నాయి. కానీ పాయింట్ల పరంగా చూస్తే కివీస్ , ఇంగ్లాండ్ మరియు ఆసీస్ లకు తలో అయిదు పాయింట్లు ఉన్నాయి. కానీ శ్రీలంకకు మాత్రం నాలుగు పాయింట్లు ఉన్నాయి అంతే. కాబట్టి శ్రీలంక సెమీస్ కు వెళ్లాలంటే చాలా సమీకరణాలు మారాలి... తర్వాత మ్యాచ్ లో ఇంగ్లాండ్ పై గెలిస్తే పాయింట్లు 6 దక్కుతాయి.
అప్పుడు ఇంగ్లాండ్ 5 పాయింట్లతో సెమీస్ కు చేరలేదు. ఒకవేళ ఇంగ్లాండ్ గెలిస్తే శ్రీలంక ఖేల్ ఖతం. ఇక అదే సమయంలో కివీస్ ఎలాగో ఐర్లాండ్ తో గెలుస్తుంది.. అప్పుడు కివీస్ 7 పాయింట్లతో సెమీస్ చేరుతుంది. ఆస్ట్రేలియా మరియు ఆఫ్గనిస్తాన్ మ్యాచ్ లోనూ ఆసీస్ గెలుపు ఖాయం. కానీ రన్ రేట్ పరంగా చూసుకుంటే ప్రస్తుతం కివీస్ మరియు ఇంగ్లాండ్ లు రన్ రేట్ పరంగా మొదటి రెండు స్థానాల్లో ఉన్నాయి. మరి సెమీస్ కు అర్హత సాధించే రెండు జట్లు ఏవో తెలియాలంటే ఎల్లుండి వరకు ఆగాల్సిందే.
