అయితే.. పర్యావరణ కాలుష్యాన్ని తగ్గించడం అత్యంత పరిగణీయమైన అంశం కాబట్టి ఆ కాలుష్యాన్ని తగ్గించే క్రమంగా చాలా దేశాలు ప్రయత్నిస్తున్నాయి. ఒక 8 దేశాలు మాత్రం కార్బన్ ఉధ్గార శాతాన్ని 1 & 1/2 శాతానికి తగ్గించి మిగిలిన దేశాలకు ఆదర్శప్రాయంగా ఉన్నాయి. ఆ దేశాలు ఏంటంటే.. నీవ్, పనామా, సురినామ్, గయానా, గబోన్, కామెరూన్‌, మడగాస్కర్,భూటాన్.. ఈ దేశాలు కర్బన ఉద్గార శాతాన్ని తగ్గించి పర్యావరణ కాలుష్యాన్ని తగ్గించడానికి పూనుకున్నాయి.
కానీ ఆ ఎనిమిది దేశాలు మిగిలిన దేశాలతో పోలిస్తే చాలా చిన్న దేశాలు. అవి చిన్న దేశాలు కావడంతో అక్కడ జనాభా తక్కువగా ఉండటం వల్ల వ్యాపారం ఇంకా రవాణా లాంటివి.. కూడా తక్కువగా ఉండటం వల్ల కార్బన్ ఉధ్గార శాతాన్ని తగ్గించడం ఆ దేశాల్లో వీలు పడింది. కాబట్టి ఈ విషయంలో ఈ ఎనిమిది దేశాలతో మిగిలిన దేశాలను పోల్చి చూడడం సరికాదు. ఎందుకంటే అన్ని దేశాల్లోనూ ఈ ఎనిమిది దేశాలలో ఉన్న పరిస్థితులు ఉండవు.
మరోవైపు ఈ కర్బన ఉధ్గార శాతాన్ని తగ్గించి పర్యావరణ కాలుష్యాన్ని నియంత్రించడానికి అన్ని దేశాలు ప్రయత్నిస్తున్న సమయంలోనే రష్యా ఉక్రెయిన్ యుద్ధంలో పెట్రోల్ డీజిల్ ఇంకా గ్యాస్ వినియోగం ఎక్కువ అవ్వడంతో వాటి కొరత అధికంగా కనిపిస్తుంది. దాంతో రవాణా మరియు వాణిజ్య కార్యక్రమాలు ఇంకా అనేక అవసరాల నిమిత్తం తిరిగి బొగ్గు ఆధారిత విద్యుత్ అవసరం చాలా దేశాలకు పడుతుంది. దాంతో తిరిగి పర్యావరణ కాలుష్య నియంత్రణ అనేది ప్రశ్నార్ధకం అయ్యే పరిస్థితి స్పష్టంగా కనిపిస్తుంది .
