వీళ్లిద్దరూ సినీ ఫ్యామిలీస్ కు చెందిన వారే . జ్యోతిక ఎవరో కాదు ఒకప్పటి స్టార్ హీరోయిన్ గా కుర్రకారుకి నిద్రపట్టకుండా చేసిన నగ్మా కజిన్. సూర్య కూడా సినీ బ్యాక్ గ్రౌండ్ కి చెందిన వారే.. ఒకప్పటి హీరో శివకుమార్ కొడుకునే ఈ సూర్య. వీళ్లిద్దరు కలిసి ఇప్పటివరకు ఆరు చిత్రాల్లో నటించగా..లాస్ట్ సిల్లును ఒరు కాదల్ అనే సినిమాలో నటించి.. ఆ తరువాత పెళ్లి చేసుకున్నారు. సూర్య, జ్యోతిక 2006లో వివాహం చేసుకున్నారు. వీళ్ళకి ఇద్దరు పిల్లలు కూడా ఉన్నారు. అంతేకాకుండా ఈ జంటకి సోషల్ మీడియాలో మంచి ఫాలోయింగ్ ఉంది. సూర్య కి లేడీ ఫాలోయింగ్ ఇంకొంచెం ఎక్కువే ఉంది. 15 ఏళ్లు గడిచిన వీరి వైవాహిహక జీవితంలో ఎన్నో స్వీట్ మె మోరీస్ ఉన్నాయి .
అయితే వీళ్ల గురించి చాలా మందికి తెలియని విషయం ఒక్కటి ఉంది. కోలీవుడ్ స్టార్ హీరో సూర్య తన భార్య జ్యోతికను రెండు సార్లు పెళ్లి చేసుకున్నారు. ఈ సంగతి బహుశా చాలా మందికి తెలియకపోవచ్చు. వీళ్లు ప్రేమించుకునే రోజుల్లోనే సూర్య ఇంట్లో ఎవ్వరికి తెలియకుండా జ్యోతిక మెడలో మూడు ముళ్లు వేసేసారట. ఇంట్లో పెద్దవాళ్లకి తమ ప్రేమ విషయం చెప్పడానికి బయపడి ఇలా గుట్టుచప్పుడు కాకుండా పెళ్లి చేసుకున్నారట. ఆ తరువాత ఈ సంగతి వాళ్ల నాన్నకు తెలిసి..ఈ పెళ్లి ఇష్టం లేకపోయినా..ఇక చేసేది ఏం లేక..మళ్ళీ అందరి ముందు వీరికి ఘనంగా పెళ్లి జరిపించారట. అలా సూర్య జ్యోతికను రెండు సార్లు పెళ్ళి చేసుకున్నారన మాట.