ప్రేక్షకులను నవ్వించడమే కాదు ఇక ఇండస్ట్రీలోకి రావాలనుకునే ఎంతోమంది కమెడియన్స్ కి సరికొత్త జీవితాన్ని ప్రసాదించింది. కష్టాల్లో ఉన్న వారికి ఫైనాన్షియల్ గా భద్రత కల్పించింది. అంతేకాదు ఎంతో మందిని స్టార్లను కూడా చేసింది అని చెప్పడంలో అతిశయోక్తి లేదు. అయితే ఇక 2023 సంవత్సరంలోకి అడుగుపెట్టబోతున్న జబర్దస్త్ కార్యక్రమం ఒక అరుదైన మైలురాయిని అందుకుంది. ఏకంగా 500 ఎపిసోడ్ కు చేరుకుంది జబర్దస్త్ కార్యక్రమం. ఈ క్రమంలోనే జనవరి 5వ తేదీన ఈ 500 ఎపిసోడ్ ప్రారంభం కాబోతుండగా జబర్దస్త్ మాజీ జడ్జి రోజా ను మళ్ళీ స్పెషల్ గెస్ట్ గా పిలిపించి సందడి చేయించారు నిర్వాహకులు.
ఇక ఇటీవలే జబర్దస్త్ ఎపిసోడ్ కి సంబంధించిన ప్రోమోని సోషల్ మీడియాలో విడుదల చేయడంతో ఇది కాస్త వైరల్ గా మారిపోయింది. అయితే ఇక జబర్దస్త్ 500 ఎపిసోడ్ కు చేరుకున్న నేపథ్యంలో అటు కమెడియన్ గా ఉన్న రాకెట్ రాఘవ సైతం ఒక అరుదైన రికార్డును సృష్టించాడు అని చెప్పాలి. జబర్దస్త్ షో మొదలైన నాటి నుంచి ఒక్క ఎపిసోడ్ కి కూడా బ్రేక్ తీసుకోకుండా రాకెట్ రాఘవ షోకి అందుబాటులో ఉన్నాడు. దీంతో జబర్దస్త్ తో పాటే రాఘవ కూడా 500 ఎపిసోడ్స్ పూర్తి చేసుకున్నాడు. దీంతో జబర్దస్త్ జడ్జి రోజా చేతుల మీదుగా రాకెట్ రాఘవకి ఒక ప్రత్యేకమైన సన్మానం చేయడం ఇటీవల విడుదలైన ప్రోమోలో చూడవచ్చు.
