అయితే సినిమాల్లో హీరోయిన్లుగా వరుస అవకాశాలు అందుకుంటున్న సమయంలో ఇక అందరూ హీరోయిన్లు కూడా ఫిజిక్ మెయింటైన్ చేయడంపై దృష్టి పెడుతూ ఉంటారు. ఈ క్రమంలోనే దివి నుంచి భువికి దిగివచ్చిన అప్సరసలాగా కనిపిస్తూ ఉంటారు. కానీ ఎప్పుడైతే సినిమాలకు దూరంగా ఉంటారో ఇక అప్పుడు ఫిజిక్ గురించి జాగ్రత్త తీసుకోకుండా లావుగా మారిపోవడం జరుగుతూ ఉంటుంది. అయితే ఇలా ఇండస్ట్రీలోకి వచ్చి ఒక్క సినిమాతో పాపులారిటీ సంపాదించుకున్న వారిలో సలోని కూడా ఒకరు.
అప్పటివరకు చిన్న చిన్న సినిమాలు చేసుకుంటూ ప్రేక్షకులను అలరించిన సలోనికి ఇక గ్రేట్ డైరెక్టర్ రాజమౌళి నుంచి పిలుపు వచ్చింది. సునీల్ హీరోగా తెరకెక్కిన మర్యాద రామన్న సినిమాలో నటిస్తావా అంటూ స్వయంగా జక్కన్న అడగడంతో సలోని ఎగిరి గంతేసింది. ఇక అనుకున్నట్లుగానే ఈ సినిమా బ్లాక్ బస్టర్ విజయం సాధించింది. అయితే ఈ సినిమాలో సలోని తన అందం అభినయంతో ప్రేక్షకులను కట్టిపడేసింది. కానీ ఆ తర్వాత అవకాశాలు లేక ఇండస్ట్రీకి దూరమైంది. అయితే ఇటీవల హైదరాబాద్ లోని ఒక జువెలరీ ర్యాంప్ షోలో కనిపించింది. ఆమెను చూసిన అభిమానులు అస్సలు గుర్తుపట్టలేకపోయారు. జక్కన్న హీరోయిన్ సలోని ఏంటి ఇంత బొద్దుగా మారిపోయింది అంటూ అందరూ షాక్ అవుతున్నారు. సలోని ఏమైనా ప్లాస్టిక్ సర్జరీ చేయించుకుందా ఏంటి అంటూ కొంతమంది కామెంట్లు చేస్తున్నారు.
