కమల్ హాసన్ కి అవార్డులు ఎన్ని వచ్చాయో కూడా లెక్క పెట్టుకోవడానికి సమయం ఉండదు. 60 ఏళ్ల పాటు నటిస్తూనే ఉన్నాడు. చిన్నతనం నుంచి నేటి వరకు తాను ఎన్నో రకాలైన సినిమాలు చేస్తూ వచ్చాడు. అయితే తనకు ఆస్కార్ లభించాలని కోరిక ఎప్పటి నుంచో ఉంది. అందుకోసం అలుపెరగని పోరాటమే చేశాడు. ఏకంగా ఏడు సార్లు ఆస్కార్ అవార్డ్ గడప తొక్క పోయి బంగపడి తిరిగి వచ్చాడు. సాగర్ హిందీ, క్షత్రియ పుత్రుడు, ద్రోహి, భారతీయుడు, నాయకుడు, హే రామ్, స్వాతిముత్యం వంటి ఏడు సినిమాలకు ఆస్కార్ అవార్డు లభిస్తుందని ఎంతో ఆశగా ఎదురు చూశాడు కమలహాసన్. ఇక ఆస్కార్ సంగతి పక్కన పెడితే ఫిలిం ఫెయిర్ కి తాను ఏ క్యాటగిరి లో కూడా పరిశీలనకు తీసుకోవద్దు అంటూ లేఖ రాయడం వెనక కారణం ఏమై ఉంటుందా అని చాలామంది ఆలోచించారు. వాస్తవానికి కమల్ హాసన్ వ్యక్తిత్వం చాలా భిన్నంగా ఉంటుంది. తనను ఎవరు గుర్తించాల్సిన పనిలేదు అని కమల్ హాసన్ అనుకుంటారు.
