ప్రపంచ క్రికెట్లో టీమిండియా ప్రధాన బౌలర్ అయిన బుమ్రా కు ప్రత్యేకమైన గుర్తింపు ఉంది అన్న విషయం తెలిసిందే  బూమ్రా ఉన్నాడు అంటే చాలు ఇక ప్రత్యర్థి వెన్నులో వణుకు పుడుతుంది అని చెప్పాలి.  బుల్లెట్ లాంటి బంతులను విసురుతూ ప్రత్యర్థి బ్యాట్స్మెన్ను భయపెడుతూ ఉంటాడు. అంతేకాదు బుమ్రా విసిరే యార్కర్లు అయితే క్రికెట్ ప్రేక్షకులందరికీ కూడా మంత్రముగ్ధులను  చేస్తూ ఉంటాయి అని చెప్పాలి. అందుకే బుమ్రాను యార్కర్ కింగ్ గా కూడా పిలుస్తూ ఉంటారు  అని చెప్పాలి. ఇక ప్రపంచ క్రికెట్లో ఏ ఆటగాడు యార్కర్ వేసిన కూడా ఆ బంతిని ఇక బుమ్రా వేసే యార్కర్లతో పోల్చి చూస్తూ ఉంటారు.


ఇకపోతే ఇటీవలే ఏకంగా ఒక బౌలర్ బుమ్రా తరహా లోనే యార్కర్ సంధించి వికెట్ తీసేసాడు. ఇందుకు సంబంధించిన వీడియో ట్విట్టర్ వేదికగా వైరల్ గా మారిపోయింది. ఇది చూసిన క్రికెట్ అభిమానులు అందరూ కూడా బుమ్రాను అచ్చుగుద్దినట్లుగా దింపేసాడే అని కామెంట్లు చేస్తూ ఉన్నారు అని చెప్పాలి.  ఇంతకీ ఏం జరిగిందంటే.. పాకిస్తాన్ క్రికెట్ బోర్డు నిర్వహించే పాకిస్తాన్ సూపర్ లీగ్ 2023 సీజన్ ప్రస్తుతం జరుగుతుంది.  ఈ క్రమంలోనే మొదటి మ్యాచ్ లో భాగంగా ముల్తాన్ సుల్తాన్స్ వర్సెస్ లాహోర్ కలందర్స్ మధ్య మ్యాచ్ జరిగింది అని చెప్పాలి. అయితే చివరి నిమిషం వరకు ఉత్కంఠ భరితంగా జరిగిన ఈ మ్యాచ్లో లాహోర్ కలందర్స్ జట్టు ఒక్క పరుగు తేడాతో విషయం సాధించింది అని చెప్పాలి.


 మ్యాచ్ ఉత్కంఠ భరితంగా జరుగుతున్న సమయంలో ముల్తాన్ సుల్తాన్స్ తరఫున ప్రాతినిధ్యం వహిస్తున్న డేవిడ్ మిల్లర్ మూడవ స్థానంలో బ్యాటింగ్ కు వచ్చి నెమ్మదిగా క్రీజులో నిలదొక్కుతున్నాడు.  ఇలాంటి సమయంలోనే 19 ఓవర్ వేసేందుకు వచ్చిన హరీష్ రావుఫ్ తొలి బంతికే అద్భుతమైన యార్కర్ తో డేవిడ్ మిల్లర్ ను బోల్తా కొట్టించాడు. అయితే హరీష్ రావుఫ్ వేసిన బంతికి అటు డేవిడ్ మిల్లర్ దగ్గర సమాధానమే లేకుండా పోయింది. దీంతో వికెట్ పడటంతో ఒక్కసారిగా తెల్ల మొఖం వేశాడు. అయితే ఈ వీడియో వైరల్ గా మారడంతో హరీష్ రౌఫ్ బుమ్రా యార్కర్ను అచ్చు గుద్దినట్లుగా దింపేశాడు అంటూ కామెంట్ చేస్తున్నారు క్రికెట్ ఫ్యాన్స్. 

మరింత సమాచారం తెలుసుకోండి:

praveen

15/02/2023 04:30 PM