ఐపీఎల్ 2023 సీజన్‌లో టీమ్స్ మధ్య చాలా హోరాహోరీ పోరు సాగుతుంది. ప్రతీమ్యాచ్ కూడా చివరి దాకా చాలా ఉత్కంఠభరితంగా మారుతుంది. మంగళవారం రాత్రి ఉప్పల్ స్టేడియంలో ముంబై ఇండియన్స్ ఇంకా అలాగే సన్‌రైజర్స్ హైదరాబాద్ జట్ల మధ్య మ్యాచ్ అనేది జరిగింది.ఇంకా ఈ మ్యాచ్‌లో ముంబై ఇండియన్స్ టీం 14 పరుగుల తేడాతో విజయం సాధించింది. అయితే ఈ మ్యాచ్ లో ప్రత్యేకంగా చెప్పుకోవాల్సిన విశేషం ఏమిటంటే.. ఐపీఎల్‌లో రెండో మ్యాచ్ ఆడిన సచిన్ టెండూల్కర్ కుమారుడు అర్జున్ టెండూల్కర్ తొలి వికెట్ తీశాడు. చివరి ఓవర్లో ఐదో బంతికి భువనేశ్వర్ కుమార్ ను ఔట్ చేయడం ద్వారా అర్జున్ కు ఐపీఎల్ లో ఫస్ట్ వికెట్ దక్కింది.అర్జున్ టెండూల్కర్ ఫస్ట్ వికెట్ తీయడంతో కెప్టెన్ రోహిత్ శర్మ, ఎంఐ టీం సభ్యులు అర్జున్ వద్దకు చేరుకొని అభినందనలతో అతన్ని ముంచెత్తారు. స్టేడియంలో ప్రేక్షకులు కూడా అర్జున్ అర్జున్ అంటూ నామస్మరణ చేశారు. అర్జున్‌కు ఐపీఎల్ లో ఇది సెకండ్ మ్యాచ్. ఫస్ట్ మ్యాచ్ 16న కోల్‌కతా నైట్ రైడర్స్ టీంతో ఆడాడు.ఆ మ్యాచ్ లో రెండు ఓవర్లు వేసి భారీగా పరుగులు ఇచ్చాడు. ఇక ఆ తరువాత మళ్లీ బౌలింగ్‌కు అవకాశం రాలేదు. 


సన్ రైజర్స్ హైదరాబాద్ టీంతో జరిగిన రెండో మ్యాచ్ లో అర్జున్ మొదటి వికెట్ తన ఖాతాలో వేసుకున్నాడు.ఐపీఎల్‌లో అర్జున్ టెండూల్కర్ ఫస్ట్ వికెట్ తీయడం పట్ల పలువురు ప్రముఖ క్రికెటర్లు అభినందనలు తెలుపుతూ ట్వీట్లు చేశారు. అయితే, కొడుకు ఫస్ట్ వికెట్ తీయడం పట్ల సచిన్ టెండూల్కర్ ఆసక్తికర ట్వీట్ చేశారు. ముంబై ఇండియన్స్ టీం విజయం తరువాత.. సచిన్ టెండూల్కర్ ట్వీట్ చేశారు. ముంబై ఇండియన్స్ టీం మరోసారి అద్భుతమైన ఆల్‌రౌండ్ ప్రదర్శన చేసిందని సచిన్ టెండూల్కర్ అభినందించారు.కామెరాన్ గ్రీన్ బ్యాట్, బాల్ రెండింటిలోనూ బాగా ఆకట్టుకున్నాడు. ఇషాన్, తిలక్ బ్యాటింగ్ చాలా బాగుంది. ఐపీఎల్ రోజురోజుకు చాలా ఆసక్తికరంగా మారుతోంది. గ్రేట్ గోయింగ్ బాయ్స్ అని సచిన్ ట్వీట్ చేశారు. చివరిలో అర్జున్ టెండూల్కర్ ఫస్ట్ వికెట్ గురించి ప్రస్తావిస్తూ ..ఇక చివరకు టెండూల్కర్‌కి ఐపీఎల్‌లో ఒక వికెట్ దక్కింది.. అంటూ నవ్వుతున్న ఎమోజీతో సచిన్ ట్వీట్ చేశారు.

మరింత సమాచారం తెలుసుకోండి: