మనం ఆరోగ్యానికి మేలు చేసే అనేక రకాల పండ్లను నిత్యం ఆహారంగా తీసుకుంటూ ఉంటాం. అలా మనకు మేలు చేసే వాటిలో దానిమ్మ పండ్లు కూడా ఒకటి. దానిమ్మ పండ్లు మనకు మార్కెట్ లో ఎక్కువగా లభిస్తాయి.ఈ దానిమ్మ పండ్లల్లో ఐరన్, విటమిన్ సి, విటమిన్ ఇ, విటమిన్ కె, మెగ్నీషియం, యాంటీ ఆక్సిడెంట్లు ఇలా చాలా రకాల పోషకాలు ఉన్నాయి. వీటిని నేరుగా తినడంతో పాటు  కొంతమంది జ్యూస్ గా చేసుకుని కూడా తాగుతూ ఉంటారు. దానిమ్మపండ్ల జ్యూస్ ను తాగడం వల్ల మన ఆరోగ్యానికి చాలా మేలు కలుగుతుందని నిపుణులు చెబుతున్నారు. ఎందుకంటే ఈ జ్యూస్ లో ఎల్లాగిటానిన్స్ అనే పాలీపినాల్స్ ఉంటాయి. ఇవి మంచి యాంటీ ఆక్సిడెంట్లుగా పని చేసి శరీరంలో ఇన్ ప్లామేషన్ ను తగ్గిస్తాయి. ఇంకా అలాగే నరాల ఒత్తిడిని కూడా తగ్గించి నరాలకు మంచి బలాన్ని ఇస్తాయి.ఇక ఇందులో ఉండే మెగ్నీషియం నరాల ఆరోగ్యాన్ని మెరుగుపరచడంలో చాలా బాగా సహాయపడుతుంది. అలాగే దానిమ్మ జ్యూస్ ను తాగడం వల్ల శరీరంలో కార్టిసాల్ అనే హార్మోన్ స్థాయిలు కంట్రోల్ లో ఉంటాయి. దీంతో కండరాల పనితీరు చాలా బాగా మెరుగుపడుతుంది.


ఇంకా కండరాలు చాలా ఆరోగ్యంగా ఉంటాయి. దానిమ్మ జ్యూస్ ను తాగడం వల్ల రక్తహీనత సమస్య అనేది అసలు దరి చేరకుండా ఉంటుంది. ఈ జ్యూస్ ను తాగడం వల్ల చర్మ ఆరోగ్యం చాలా బాగా మెరుగుపడుతుంది.ఇంకా అలాగే వృద్దాప్య ఛాయలు మన దరి చేరకుండా ఉంటాయి.నీరసం, బలహీనత ఇంకా నిస్సత్తువ వంటి సమస్యలతో బాధపడే వారు దానిమ్మ జ్యూస్ ను తాగడం వల్ల ఖచ్చితంగా చాలా మంచి ఫలితం ఉంటుంది.ఇంకా అంతేకాకుండా ఈ జ్యూస్ ను తాగడం వల్ల గుండె ఆరోగ్యం చాలా బాగా మెరుగుపడుతుంది. రక్తపోటు కూడా ఈజీగా అదుపులో ఉంటుంది. జ్ఞాపక శక్తి బాగా పెరుగుతుంది. అలాగే శరీరంలో రోగ నిరోధక శక్తి పెరుగుతుంది. గర్భిణీ స్త్రీలు ఈ జ్యూస్ ను తాగడం వల్ల చాలా మేలు కలుగుతుంది. ఈ దానిమ్మజ్యూస్ ను తాగడం వల్ల మనం చక్కటి ఆరోగ్యాన్ని పొందవచ్చు.ప్రతి రోజూ ఉదయం తాజాగా తయారు చేసిన ఒక గ్లాస్ దానిమ్మ జ్యూస్ ను తాగడం వల్ల మనం అనారోగ్య సమస్యల బారిన పడకుండా ఉంటామని ఆరోగ్య నిపుణులు తెలియజేస్తున్నారు.

మరింత సమాచారం తెలుసుకోండి:

health

Purushottham Vinay

12/05/2023 02:17 PM