అయితే దసరా సినిమాలాంటి కథను ఎంతో బాగా హ్యాండిల్ చేసిన శ్రీకాంత్ ఓదెలపై కూడా ఎంతోమంది విమర్శకులు సైతం ప్రశంసలు కురిపిస్తున్నారు అని చెప్పాలి. సుకుమార్ శిష్యుడిగా ఇండస్ట్రీకి పరిచయమైన శ్రీకాంత్ ఓదెల ఇక గురువు పేరు నిలబెట్టాడు అంటూ అందరూ ప్రశంసలు కురిపిస్తున్నారు. అయితే సాధారణంగా ఒక డైరెక్టర్ డబ్ల్యు మూవీ తోనే సూపర్ హిట్ కొట్టాడు అంటే చాలు అతనికి ఇక స్టార్ హీరోల సినిమాల్లో అవకాశం వస్తుంది అన్న విషయం తెలిసిందే. ఇక ఇప్పుడు దసరా సినిమాతో సూపర్ హిట్ కొట్టిన శ్రీకాంత్ ఓదెల సైతం ఏకంగా అక్కినేని హీరోతో సినిమా చేసేందుకు ఛాన్స్ కొట్టేసాడట.
అక్కినేని యంగ్ హీరో అఖిల్ తో ఒక సినిమాకు సిద్ధమవుతున్నాడట శ్రీకాంత్ ఓదెల. అఖిల్ ప్రస్తుతం ఏజెంట్ అనే సినిమాతో బిజీగా ఉన్నాడు. ఈ సినిమా ప్రస్తుతం విడుదలకు సిద్ధంగా ఉంది అన్న విషయం తెలిసిందే. సురేందర్ రెడ్డి దర్శకత్వంలో ఈ సినిమా తెరకెక్కింది. ఈ సినిమాలో అఖిల్ స్పైగా కనిపించబోతున్నాడు అని చెప్పాలి. ఇప్పటికే విడుదలైన పోస్టర్లు టీజర్ ప్రేక్షకులను ఆకట్టుకున్నాయి. ఇకపోతే ఈ సినిమా తర్వాత శ్రీకాంత్ ఓదెల దర్శకత్వంలో అఖిల్ ఒక సినిమా చేయబోతున్నాడు అని తెలుస్తోంది. శ్రీకాంత్ వినిపించిన కథకు అఖిల్ కూడా ఫిదా అయిపోయాడట. పవర్ఫుల్ స్టోరీ కావడంతో ఇక చేయడానికి సిద్ధమయ్యాడు అన్నది తెలుస్తుంది. ఇక త్వరలోనే దీనిపై అధికారిక ప్రకటన కూడా వస్తుందని ఇండస్ట్రీలో టాక్ వినిపిస్తోంది.
